Библия
Выбрать язык
Книги Ветхого Завета
Книги Нового Завета
с русским текстом
ИОВЫН КНИГАЖЕ
26 Глава
Иовын индешымше шомакше:1 Вилдадын каҥашыжым Иов сайлан ок шотло. 5 Юмын кугу кучемвийже.1 Тунам Иов тыге каласен:
2 «Кузе тый ӱнардымылан полшышыч,
вийдымылан полыш кидетым шуялтышыч!
3 Могай каҥашым тый ушдымылан пуышыч
да кузе пеш сайын умылтарышыч!
4 Кӧлан тый нине мутлам каласышыч?
Кӧн шӱлышыжӧ тыйын гоч ойла? –
5 Колышо-влакын чоныштым
*а лӱдмаш авалтен,
вӱд келгыт да тушто илыше-влак йымалне нуно чытырат.
6 Вес тӱня Юмын ончылно чара,
колымаш тӱнян уке леведышыже.
7 Йӱдвел кавам Тудо пусталык ӱмбалне шарен,
нимо ӱмбалан мландым сакалтен.
8 Шке пыллашкыже Тудо вӱдым пога,
да нуно тудын нелытше деч огыт шалане.
9 Шке престолжым Тудо шылтен,
шке пылже дене леведын.
10 Волгыдо ден пычкемыш кокласе чек семын
вӱд-влак ӱмбалне Тудо каватӱрым колтен.
11 Тудын кӱдыртымыж деч лӱдын,
каван меҥгыже-влак чытырат.
12 Шке куатше дене Тудо теҥызым лӱҥгыкта,
шке уш-акылже дене Раавым шалата.
*б13 Тудын шӱлалтышыж деч кава волгыдемеш,
писын нушкын кайыше кишкым Тудын кидше шуралтен.
14 Чыла тиде Тудын пашаж гыч изи ужаш веле!
Мыняр шагал ме Тудын нерген колынна!
А Тудын куатшын могай кугу улмыжым кӧ умыла?»
*а26:5 «Колышо-влакын чонышт» манмым «рефаим-влак» манынат кусараш лиеш.
*б26:12 Раав – ончо 9:13.
Глава 26
