Your word is a lamp to my feet

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая Главаследующая Главас русским текстом

ПСАЛТИРЬ

115 Псалом

[Аллилуия.]

1 Мый ӱшаненам, садлан ойленам.
Мый ойгыш логалнам,
2 чот тургыжланымем дене каласенам:
«Кажне айдеме – шояче».
3 Господьын мылам ыштыме чыла порылыкшылан
    Тудлан мо дене тӱлем?
4 Утарымаш чашым нӧлталам
да Господьын лӱмжым ӱжын кумалам,
5 Тудын калыкшын шинча ончылныжо
    Господьлан сӧрымем шуктем.
6 Шке ӱшанле еҥже-влакын колымышт
    Господьын шинча ончылныжо шергакан.
7 Господь, мый Тыйын тарзет улам,
улам тарзет, Тыйын ӱдырамаш тарзетын эргыже,
Тый мыйын кепшылем руденат.
8 Моктымаш надырым Тылат кондем,
Господьын лӱмжым ӱжын кумалам.
9 Господьлан сӧрымем шуктем
Тудын калыкшын шинча ончылныжо,
10 Господьын пӧртшын кудывечылаштыже,
тыйын покшелнет, Иерусалим! Аллилуия!

предыдущая глава Глава 115 следующая глава