Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
61 Псалом
1 Хор вуйлатыше Идифунлан. Давидын псаломжо.2 Юмо гына чонемлан тынысым пуа,
Тудын деч – мыйын утаралтмашем.
3 Лач Тудо – кӱ курыкем, утарымашем, шылын куржмо верем;
мый пеҥгыдын шогаш тӱҥалам.
4 Мыняр жап те эше еҥ ӱмбаке кержалташ тӱҥалыда?
Те тудым пуштыда,
тудо – тайныше пырдыж, лӱҥгышӧ пече гай.
5 Шонен пыштеныт нуно тудым кӱшычын сӱмырал шуаш,
келша нунылан ондалкалаш:
умшашт дене суапым тыланат, а шӱмыштышт каргат.
6 Чонем, Юмо дене ушнымаште веле лыпланымашым кычал!
Вет Тудо мылам инанымашым пуа,
7 Тудо гына – мыйын кӱ курыкем,
утарымашем да шылын куржмо верем,
мый пеҥгыдын шогаш тӱҥалам.
8 Юмо гына – мыйын утаралтмашем да чапем,
Юмо – пеҥгыде кӱ курыкем, шылын куржмо верем.
9 Калыкем, чыла жапыштат Тудлан ӱшане,
шӱмыштет мо уло – поч Тудлан.
Юмо – мемнан аралтышна.
10 Айдеме – шӱлалтыш дене иктак,
еҥ-влак лач ондалчык улыт.
Нуным чылаштым пышташ гын висаш,
куштылгырак лийыт шӱлалтыш дечат.
11 Весым темден илымылан ида инане,
агымылан ӱшанен ида иле.
Поянлыкда шукемеш гынат,
тушко шӱмдам ида пыште.
12 Ик гана Юмо каласыш,
кок гана мый тидым кольым:
чыла вий-куат – Юмын,
13 Тый гына, Господь, поро улат.
Кажныжлан Тый пашаже почеш пӧртылтет.
Глава 61
