Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
65 Псалом
Хор вуйлатышылан. Муро. Псалом.1 Пӱтынь мланде, Юмылан куанен кычкырал!
2 Тудын лӱмжын чапшым моктен мурыза,
Тудым чапландарыза!
3 Каласыза Юмылан:
«Ӧрыктарыше улыт Тыйын пашат-влак!
Тыйын кугу куатетлан кӧра
тушманет, ӱҥышыла койын, Тыланет келшаш тӧча».
4 [Чыла деч Кӱшылысӧ,] пӱтынь мланде Тылат вуйым савыже,
Тылат мурыжо, лӱметым моктен мурыжо!
5 Толза да ончалза Юмын пашаже-влакым –
мом Тудо айдеме эрге-шамычлан ышта, чылажат ӧрыктарыше.
6 Теҥызым Тудо кукшо мландыш савырен,
эҥер гоч калык йолын лектын,
Тудлан ме тушто куаненна.
7 Куатше дене Тудо курымеш кугыжалана,
шинчаже Тудын чыла калыкым эскера –
вуянче-влак ваштарешыже ынышт нӧлталт.
8 Калык-влак, Юмынам чапландарыза,
Тудым кугу йӱкын моктыза!
9 Тудо илышнам арален коден,
йолналан шӱртняш пуэн огыл.
10 Юмына, Тый мемнам тергенат,
шийым левыктыме семын мемнам левыктен эрыктенат.
11 Вӱден наҥгайышыч мемнам Тый оптышыш,
ӱмбакына нелылыкым пыштышыч.
12 Орван еҥ-влак вуй ӱмбачна коштыч,
тул ден вӱдыш мыланна пураш логале,
но мемнам Тый йоҥгыдо верыш луктыч.
13 Йӱлалтен пуымо надыр дене Тыйын пӧртышкет пурем –
Тылат мом сӧрымем чыла шуктем.
14 Орлыкем годым умшам гыч нуно лектыныт,
мыйын йылмем нуным ойлен.
15 Ӧрдышӧ вольыкым Тылат мый йӱлалтен пуэм –
тагам йӱлалтыме тамле пушан шикшым пӧлеклем,
ӱшкыж ден казатага-влакым надырлан кондем.
16 Юмо деч лӱдшӧ-влак, толза да колыштса чылан –
Юмын мыланем мом ыштымыж нерген каласкалем.
17 Умшам дене Тудым мый сӧрвален ӱжынам,
йылмем дене Тудым мокташ ямде лийынам.
18 Лиеш ыле гын шӱмыштем закондымылык,
Господь мыйым огеш кол ыле.
19 Но Юмо мыйым колын,
кумалмемлан пылышыжым почын.
20 Тек Юмо моктымо лиеш!
Кумалмем Тудо кӱлдымыш луктын огыл,
порылыкшым мый дечем кораҥден огыл.
Глава 65
