Выбрать язык
Книги Ветхого Завета
Книги Нового Завета
с русским текстом1 Пӧръеҥ мыйым храмыш пуртен да пурымо верын меҥгыже-влакым висен, нунын лопкытышт кок могырымат куд кынергут лийын. Скинийын лопкытшо семынак,2 пурымо верын лопкытшо лу кынергут, а кок могырым улшо пырдыж-влакын кужытышт вич кынергут дене лийын. Тудо храмысе залым висен: кужытшо – нылле кынергут, а лопкытшо – коло кынергут.3 Вара кӧргысӧ пӧлемыш пурен да пурымо верын меҥгыже-влакым висен, нунын лопкытышт кок кынергут лийын. Пурымо верын лопкытшо – куд кынергут, а кок могырым улшо пырдыж-влакын кужытышт – шым кынергут дене.4 Пӧръеҥ кӧргысӧ пӧлемым висен: тудын кужыт ден лопкытшо, храмын залже семынак, коло кынергут лийыныт. Тудо мыланем каласен: «Тиде – Святой деч святой вер».
5 Тудо храмын пырдыжшым висен – тудыжо куд кынергут кӱжгытан лийын. А йырым-йыр храм тӱрыштӧ улшо пӧлем-влакын лопкытышт ныл кынергут лийын.6 Нине пӧлем-влак кум пачашыште, икте-весышт ӱмбалне, верланеныт, кажне пачашыште – кумло пӧлем. Храмын пырдыжше мучко лондем-шамычым ыштыме, ӱмбалнышт пӧлем-влакын кӱварышт киен, сандене нуным храм пырдыжыш пеҥгыдемден огытыл.7 Храм тӱрыштӧ улшо пӧлем-влак кажне пачаш дене кумдаҥын кӱзеныт. Кӱшнӧ верланыше пӧлем-влак ӱлнӧ улшо-шамыч деч кумдарак лийыныт, да ӱлыл пачаш гыч кӱшылыш кыдалаш пачаш гоч кӱзеныт.*а8 Мый ужынам: храм йыр кӱкшӧ площадке шога, пӧлем-влак тудын ӱмбалне лийыныт. Тудын кӱкшытшӧ – ик висыме пондо, куд кугу кынергут.9-10 Пӧлем-влакын тӱжвал пырдыжышт вич кынергут кӱжгытан лийын. Храм тӱрыштӧ улшо пӧлем ден моло пӧлем коклаште храм йыр яра вер лийын, тудын лопкытшо – коло кынергут.11 Храм тӱрыштӧ улшо пӧлем-влакын омсашт гыч тушко лекташ лийын: иктышт гыч – йӱдвеке, весышт гыч – кечывалвеке. Тиде яра верын лопкытшо вич кынергут лийын.
12 Храмын касвелнысе леведышдыме кумдыкыштыжо оралте лийын, тудын лопкытшо – шымле кынергут, кужытшо – индешле кынергут. Пырдыжын кӱжгытшӧ чыла вере вич кынергут лийын.13 Тиде пӧръеҥ храмым висен: тудын кужытшо шӱдӧ кынергут лийын. Леведышдыме кумдыкын да тушто улшо оралте ден тудын пырдыжшын кужытышт тыгак шӱдӧ кынергут лийын.14 Эрвелне храмын ончыл могырысо кумдыкын лопкытшо тыгак шӱдӧ кынергут лийын.
15 Вара тудо храм шеҥгелне леведышдыме кумдыкышто улшо оралтым висен. Тудын кужытшо, пырдыжшымат шотлаш гын, шӱдӧ кынергут лийын. Храмысе зал да кудывечыш лекме кыдеж16 пу дене комыжлымо лийыныт. Омса лондем гыч ончаш гын, решоткан окна-влакын янакышт да кум пачашыште улшо пӧлем-шамычын пырдыжышт кӱвар гыч окна марте пу дене комыжлымо лийыныт. Окна-влак петырыме лийыныт.17 Храм омса деч кӱшнӧ, тыгак чыла вере храм пырдыжлаште – кӧргыштат, тӱжвалнат – йырым-йыр радам дене сӱрет-влак лийыныт.18 Тушто херувим ден пальме-шамычын сӱретышт лийын: кок херувим коклаште – пальме. Кажне херувимын кок чурийже лийын:19 ик могырым пальме деке айдеме чурий, а вес могырым левын чурийже савырыме лийыныт. Пӱтынь храм мучко тыге лийын.20 Херувим ден пальме-влакын сӱретышт храмысе залын пырдыжлаштыже кӱвар деч пурымо вер ӱмбалысе пырдыж марте лийыныт.21 Храмыш пурымо омсан янакше-влак ныл лукан лийыныт. Святой деч святой верыш пурымаштат нуно тыгаяк лийыныт.22 Жертвенник пу дене ыштыме лийын, кӱкшытшӧ – кум кынергут, кужытшо – кок кынергут. Тудын лукшо-влак, негызше да пырдыжше-влак пу дене ыштыме лийыныт. Ты пӧръеҥ мыланем каласен: «Тиде – Господь чурий ончылно шогышо ӱстел».23 Храмыште да Святой деч святой верыште омса-влак кок могырыш почылтшан лийыныт.24 Тыгай омса кокыт лийын, кажныже – почылтшо кок ужашан.25 Тушто, храмын омсалаштыже, пырдыжысе семынак, херувим ден пальме-влакын сӱретышт лийыныт. Тӱжвалне, храмыш пурымо кыдеж ончылно, пу дене ыштыме леваш*б шоген.26 Кыдежын пырдыжлаштыже кок могырымат решоткан аҥысыр окна ден пальме сӱрет-влак лийыныт. Храмын ӧрдыжысӧ пӧлемже-влак ӱмбалнат леваш-влак лийыныт.
*а 41:7 Еврей текстыште тыште мом возымым умылаш неле.
*б 41:25 Леваш – тыште: навес.
Глава 41