Выбрать язык
Книги Ветхого Завета
Книги Нового Завета
с русским текстом1 Мый угыч вуем нӧлталынам да ужынам: вӱдылка книга чоҥешта.2 Суксо мый дечем йодын: «Мом ужат?» Мый вашештенам: «Чоҥештыше вӱдылка книгам, тудын кужытшо коло кынергут, а лопкытшо лу кынергут».3 Тудо мыланем каласен: «Тиде пӱтынь мланде ӱмбак толшо каргымаш. Ик могырыштыжо возымо семынак, кажне шолыштшо еҥ пытарыме лиеш да, вес могырышто возымо семынак, шойыштын товатлыше кажне еҥ пытарыме лиеш».4 «Тиде каргымашым Мый колтем, – ойла Господь Саваоф. – Тудо шолыштшо еҥын да Мыйын лӱмем дене шойыштын товатлыше еҥын пӧртышкыжӧ пура да тушан кодеш. Каргымаш тиде пӧртым пытара: тудын пырняжымат, кӱжымат».
5 Мый денем кутырышо Суксо воктекем толын да каласен: «Вуетым нӧлтал да ончал, мо коеш?»6 Мый йодынам: «Мо тиде?» Тудо вашештен: «Тиде вискалаш кучылтмо кугу комдо лектеш», вара ешарен: «Тудо пӱтынь мландын сулыкшым ончыкта».7 Тунам комдын шемвулно дене ыштыме комдышыжо нӧлталтын. Тушто, комдо кӧргыштӧ, ӱдырамаш шинчен.8 «Тиде ӱдырамаш осаллыкым ончыкта», – каласен Суксо, вара тудым мӧҥгеш комдыш кудалтен да неле шемвулно леведыш дене петырен.
9 Мый вуем нӧлталынам да ужынам: ончылнем – кок ӱдырамаш. Нунын шулдырыштышт мардеж лийын, а шулдырышт аистын гай койын. Нуно комдым нӧлталыныт да мланде ден кава кокла гыч наҥгаеныт.10 Мый денем кутырышо Суксо деч йодынам: «Тиде комдым нуно кушко наҥгаят?»11 Тудо мыланем вашештен: «Сеннаар*а мландышке, тушто тудлан пӧртым чоҥат. Кунам пӧрт ямде лиеш, тиде комдым тудлан лӱмын ямдылыме верыш шындат».
*а 5:11 Сеннаар – Вавилонын акрет годсо лӱмжӧ.
Глава 5