Библия
Выбрать язык
Книги Ветхого Завета
Книги Нового Завета
с русским текстом
ПРОРОК МАЛАХИЙЫН КНИГАЖЕ
4 Глава
1 «Мый тендан деке пророк Илиям колтем». 4 «Моисей тарземын законжым шарныза».1 «Теве толеш тудо кече, коҥга гай когартыше,
кунам вожылдымо да осалым ыштыше еҥ-влак олым гай лийыт.
Лишемше тиде кече нуным йӱлалта, – ойла Господь Саваоф, –
нунын деч вожымат, укшымат ок кодо.
2 Но тыланда, кӧ Мыйын лӱмем деч лӱдын ила,
чынлык кече лектеш, кечыйолыштыжо пареммаш лиеш.
Те лектыда да вӱта гыч лукмо презе гай
модын тӧрштылаш тӱҥалыда,
3 осалым ыштыше еҥ-влакым тошкеда.
Мыйын палемдыме кечын
нуно йол йымалныда пуракыш савырнат, –
ойла Господь Саваоф. –
4 Шарныза Моисей тарземын законжым,
кудым Мый тудлан Хорив курыкышто пӱтынь Израильлан пуэнам,
тыгак кӱштымаш ден пунчалже-влакым шарныза.
5 Господьын кугу да шучко кечыж деч ончыч
Мый тендан деке пророк Илиям колтем.
6 Толмекем, Мылам мландым пытараш огыл манын,
тудо ача-влакын шӱмыштым йочашт деке
да йоча-влакын шӱмыштым ачашт деке савыра».
Глава 4
