Выбрать язык
Книги Ветхого Завета
Книги Нового Завета
с русским текстом1 Мый, шкежат пресвитер, Христосын орланымыжым таныклыше да почылтшаш чапым пырля пайлыше айдеме, тендан пресвитерда-влакым сӧрвалем:2 Юмын тыланда ӱшанен пуымо кӱтӱжым кӱтыза, ӧкымлыде, шке кумылын, Юмылан келшышын тудым оролыза, намысле пайдам кычалын огыл, а уло кумылын тыршен ыштыза,3 тыланда ӱшанен пуымо еҥ-влакым кид йымалныда ида кучо, а кӱтӱлан корным ончыктышо лийза.4 Тунам Тӱҥ Кӱтӱчӧ кончен толмо годым те лывыжгыдыме чап вуйшӱдышым налыда.
5 Самырык-влак, пресвитер-шамычым колыштса. Чыланат, икте-весым колыштын, икте-весе деке тыматле шонымашан лийза, вет
«Юмо кугешныше-влак ваштареш шога,
а ӱҥышӧ-влаклан порылыкым пуа».*а
6 Тугеже, ӱҥышӧ лийза да Юмын виян кид йымалныже лияш келшыза, да Тудо шке жапыштыже тендам кӱшкӧ нӧлталеш.7 Кеч-могай тургыжланымашдам Юмылан ӱшанен пуыза: Тудо тендан верч тырша.
8 Айык шонымашан лийза, шекланен шогыза: тендан ваштареш шогышыда, диавол, кӧм нелаш кычалын, ырлыше лев семын коштеш.9 Пеҥгыде ӱшанымаш дене тудын ваштареш шогалза. Те паледа: тендан иза-шольыда-влаклан уло тӱняште тыгаяк орланымашым чыташ логалеш.10 А Христос Иисус дене ушнен шогымаште мемнам шке курымашлык чапышкыже ӱжшӧ чыла порылыкын Юмыжо, кӱчык жап орлыкым чытымекыда, тек тендам тӧрлата, чоткыдемда, вияҥда да пеҥгыдемда.11 Тудлан куат да вий курым-курымеш лийже. Аминь.
12 Мый тыланда Силуан гоч кӱчыкын возышым, тудым ӱшанле изалан шотлем. Мый тендам кумылаҥдынем да, тидыже Юмын чын порылыкшо манын, таныклынем ыле. Тиде порылыкышто те пеҥгыдын шогеда.13 Тендан дене пырля ойырен налме Вавилон*б черке, тыгак Марк эргым тыланда саламым колтат.14 Йӧратен шупшалын, икте-весыда дене саламлалтса. Тыланда, Христос Иисус дене ушнен шогышо-влаклан, чылалан тыныслык лийже. Аминь.
*а 5:5 Тун.кал 3:34.
*б 5:13 Вавилон – Тыште, очыни, Рим нерген ойлалтеш.
Глава 5