Выбрать язык
Книги Ветхого Завета
Книги Нового Завета
с русским текстом1 Иза-шольо-влак, Господьна Иисус Христосын толмыжо да мемнам Тудын деке погымо нерген икмыняр шомакым каласынена. Тендам сӧрвалена:2 иктаж-могай шӱлыш але увер, але пуйто мемнан колтымо серыш «Христосын кечыже ынде шуын» манын ойла гын, шонен моштымыдам вигак ида йомдаре, чон пудыранымылан эрыкым ида пу.3 Тек тендам нигӧ нигузе ок ондале. Вет Юмо деч кораҥмаш ондак толмешке да языкын еҥже, пытымашын эргыже, лекмешке, тудо кече ок тол.4 Мом Юмо маныт але молан кумалыт, чылаштынат ваштареш пытымашын эргыже шогалеш, шкенжым нунын деч кӱшкӧ нӧлта, Юмо семын храмышкат шинчеш да Юмо улам манын увертара.5 Эше тендан дене лиймем годымак тидын нерген ойлымем огыда шарне мо?6 Шке жапше деч ончыч лекме деч тудым ынде мо куча, те паледа.7 Закондымылык тайне шке пашажым ышташ тӱҥалын, но тудым чарен кучышым тышеч налмешке, [огеш шукталт].8 Тунам языкын еҥже толын лектеш. Но Господь Иисус тудым шке умшажын шӱлышыж дене пуштеш, чапланен толмыж денак пытара.9 Языкын еҥже сатанан ыштен шогымыж дене уло вий, шояк палдарыше пале да шояк чудо дене толеш, 10 пытышаш-влакым тӱрлын ондала, вет нуно утаралташлан чыным йӧратен огытыл.11 Юмо чыла тидлан кӧра нунылан ондалалтмашым колта, да нуно шоялан ӱшанат.12 Тыгеракын, чынлан ӱшаныдыме, но чын огылым йӧратыше-влак чылан судитлыме лийыт.
13 Господьын йӧратыме иза-шольына-влак, ме тендан верч Юмылан эреак таум ыштышаш улына: Шӱлышын святитлымыже да чынлан ӱшаныме гоч утаралташ Юмо тендам тӱҥалтыш гычак ойырен налын.14 Тидлан, мемнан Господьна Иисус Христосын чапшым налаш, Тудо тендамат мемнан каласкалыме Поро Увер гоч ӱжын.15 Сандене, иза-шольо-влак, пеҥгыдын шогыза, да мут дене але серыш гоч мом увертаренна да мом туныктенна, тудым кучен илыза.16 Мемнан Господьна Иисус Христос Шке да мемнам йӧратыше, мыланна порылыкшо дене курымашлык йывыртымашым да вучымынан шукталтмылан пеҥгыде ӱшаным пуышо Юмо, мемнан Ачана,17 тек тендан шӱмдам кумылаҥда, поро шомаклан да поро пашалан тыланда эре вийым пуа.
Глава 2