Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Библия»содержание1-я книга Моисеева. Бытие2-я книга Моисеева. Исход3-я книга Моисеева. Левит4-я книга Моисеева. Числа5-я книга Моисеева. ВторозакониеИисус НавинСудьиРуфь1-я Книга Царств2-я книга Царств 3-я книга Царств4-я книга Царств1-я Паралипоменон2-я ПаралипоменонЕздраНеемияЕсфирьИовПсалтирьПритчиЕкклесиастПесня ПеснейИсаияИеремияПлач ИеремииИезекиильДаниилОсияИоильАмосАвдияИонаМихейНаумАввакумСофонияАггейЗахарияМалахия

Книги Нового Завета Выбрать книгупро «Библия»содержаниеот Матфеяот Маркаот Лукиот ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудак Римлянам1-е Коринфянам2-е Коринфянамк Галатамк Ефесянамк Филиппийцамк Колоссянам1-е Фессалоникийцам2-е Фессалоникийцам1-е Тимофею2-е Тимофеюк Титук Филимонук ЕвреямОткровениесловари

МОИСЕЙЛЭН НЫРЫСЕТӤ КНИГАЕЗ

УЛОН-ВЫЛОН

15-тӥ ЛЮКЕТ

1Та учыръёс бере Аврамлы [уйин] возьматскон пыр Кузё-Инмар дорысь верамын вал: «Эн кышка, Аврам, Мон тынад утиськон щитэд; туж бадӟым мед-кузьым тон басьтод».2Аврам шуиз: «Кузё-Атае, Кузё-Инмаре! Мар Тон мыным сётод? Мон нылпитэк кылисько ни; мынам юртэным кивалтоно мурт – со Дамаскысь Елиезер».3Аврам шуиз на: «Тон мыным нылпи ӧд сёты бере, тани, та мынам юртам улӥсь мурт – со мынам люкет басьтӥсе луоз».4Кузё-Инмар дорысь солы верамын вал: «Со тынад люкет басьтӥсед уз луы; макесъёсыд вискысь потэм тынад люкет басьтӥсед луоз».5Аврамез отысь поттыса, Кузё-Инмар [солы] шуиз: «Учкы ин шоры но лыдъя, быгатӥськод ке, кӧня отын кизили». Солы шуиз на: «Сокем трос луоз тынад выжыед».6Аврам Кузё-Инмарлэн верам кылызлы оскиз, солэсь осконзэ Кузё-Инмар шонерлык шуыса гожтӥз.

7Солы шуиз: «Мон – Кузё-Инмар, Халдей музъемысь Ур городысь тонэ поттӥ та музъемез тынад киулад сётон понна».8Со шуиз: «Кузё-Инмаре, Кузё-Атае! Кызьы мон тодом, со мынам киулам луоз шуыса?»9Кузё-Инмар солы шуиз: «Мон понна басьты куинь аресъем ветылэз, куинь аресъем кечез, куинь аресъем такаез, кыр дыдыкез, пинал дыдыкез».10Ваньзэ таосты басьтӥз, шортӥзы ӵогиз но одӥг люкетсэ мукетызлэн ваче пумитаз понӥз; тылобурдоосты гинэ ӧз ӵогы.11Шӧйёс вылэ сьӧсь тылобурдоос лобӟыса вуизы; нош Аврам соосты улляз.

12Шунды пуксьыку, Аврамез секыт ум нюртӥз; тани, со доры шимес кышкан вуиз, сьӧдлэсь но сьӧд пеймытлык.13Соку Кузё-Инмар Аврамлы шуиз: «Тод: тынад вуоно выжыосыд мурт музъемын лыктэм калык луозы, соосты ляльчи-медо карозы, ньыль сю ар ӵоже соосты ултӥяса возёзы;14но соосты ляльчи-медо радын возись калыкез Мон судить каро; собере соос, трос ваньбур люкаса, [татчы] потозы;15нош тон каньылэн атайёсыд доры кошкод, ӟечкын пересьмон арлыдад вуыса, тонэ ватозы;16ньылетӥ выжы вуэм бере соос татчы берытскозы: уго аморрейёслэн законлы пумит улэмзылэн мертэтэз ӧз на пачылмы на».17Шунды пуксьыса пеймыт усем бере, тани, гурысь кадь потӥсь ӵын но гомаса ӝуась тыл шорияк ӵогем пудоос вискытӥ ортчиз.18Та нуналэ Кузё-Инмар, тазьы шуыса, Аврамен кусып кылдытӥз: «Тынад выжыедлы Египет шур дурысен быдӟым Евфрат шур дорозь кыстӥськись музъемез сётӥсько:19кенейёсты, кенезейёсты, кедмонейёсты,20хеттейёсты, ферезейёсты, рефаимъёсты,21аморрейёсты, хананейёсты, [евейёсты,] гергесейёсты, иевусейёсты».

 Глава 15