Выбрать язык
Книги Ветхого Завета
Книги Нового Завета
без русского текстаМОИСЕЙЛЭН НЫРЫСЕТӤ КНИГАЕЗ. УЛОН-ВЫЛОН | ПЕРВАЯ КНИГА МОИСЕЕВА. БЫТИЕ |
41-тӥ ЛЮКЕТ | Глава 41 |
| 1Кык ар ортчыса, фараон уйвӧт адӟиз: тани, со шур дурын сылэ; | 1По прошествии двух лет фараону снилось: вот, он стоит у реки; |
| 2но тани, шурысь сизьым скалъёс пото, учкыны чебересь, кӧй мугороесь, вудур камыш пӧлтӥ сиськыса ветло; | 2и вот, вышли из реки семь коров, хороших видом и тучных плотью, и паслись в тростнике; |
| 3но тани, таосыз бере шурысь сизьым мукетъёсыз скалъёс пото: учкыны начаресь, чиед мугороесь. Таре таосыз шур дуртӥ сиськыса ветлӥсь скалъёс вӧзы султӥзы; | 3но вот, после них вышли из реки семь коров других, худых видом и тощих плотью, и стали подле тех коров, на берегу реки; |
| 4начаресь, чиед мугороесь скалъёс учкыны чебересь, кӧй мугороесь скалъёсты сиизы. Соку фараон сайказ. | 4и съели коровы худые видом и тощие плотью семь коров хороших видом и тучных. И проснулся фараон, |
| 5Таре нош ик умме усиз, таре мукет вӧт адӟе ини: одӥг куро модосын сизьым удалтэм, чебересь шепъёс; | 5и заснул опять, и снилось ему в другой раз: вот, на одном стебле поднялось семь колосьев тучных и хороших; |
| 6но тани, таосыз бере шундыӝужанпал тӧлэн куасьтэм сизьым удалтымтэ шепъёс потӥзы; | 6но вот, после них выросло семь колосьев тощих и иссушенных восточным ветром; |
| 7начар, удалтымтэ шепъёс сизьым удалтэм, тыр шепъёсты сиизы. Сайкам бераз фараон валаз, та уйвӧт шуыса. | 7и пожрали тощие колосья семь колосьев тучных и полных. И проснулся фараон и понял, что это сон. |
| 8Ӵукна фараонлэн секыт мылкыдыз вал, со Египетысь вань туноосты, визьнодчиосты ӧтьытыса вайытӥз но соослы аслаз уйвӧтэз сярысь вераз; нош солэсь пуштроссэ фараонлы усьтыны одӥг мурт но ӧз шедьы. | 8Утром смутился дух его, и послал он, и призвал всех волхвов Египта и всех мудрецов его, и рассказал им фараон сон свой; но не было никого, кто бы истолковал его фараону. |
| 9Вина омыръясьёслэн йырзы фараонлы тазьы вераны кутскиз: «Али мон сьӧлыкъёсме тодам вайисько; | 9И стал говорить главный виночерпий фараону и сказал: грехи мои вспоминаю я ныне; |
| 10фараонлэн ас ляльчиосыз вылэ вожез потӥз, монэ но нянь пыжисьёслэсь йырзэс возьмаськисьёслэн кивалтӥсьсылэн корказ интыяськем пытсэтэ ворсатӥз; | 10фараон прогневался на рабов своих и отдал меня и главного хлебодара под стражу в дом начальника телохранителей; |
| 11одӥг уе ми соин уйвӧт адӟимы, солы но, мыным но аспӧртэмлыко пуштросэн уйвӧт возьматскиз; | 11и снился нам сон в одну ночь, мне и ему, каждому снился сон особенного значения; |
| 12отын, ми пӧлын, егит еврей пи вал, возьмаськисьёслэн кивалтӥсьсылэн ляльчиез; ми солы уйвӧтмес мадимы но, кыкмылэсь ик уйвӧтмес, солэсь пуштроссэ пыр-поч валэктӥз; | 12там же был с нами молодой Еврей, раб начальника телохранителей; мы рассказали ему сны наши, и он истолковал нам каждому соответственно с его сновидением; |
| 13солэн валэктэмезъя ик ваньмыз быдэсмиз: мон аслам интыям берыктэмын, нош соиз ошемын». | 13и как он истолковал нам, так и сбылось: я возвращен на место мое, а тот повешен. |
| 14Фараон Иосифез ӧтьыны ыстӥз. Дыртыса сое пытсэтысь поттӥзы. Йырзэ ӵышкиз, дӥськутсэ воштӥз но фараон доры лыктӥз. | 14И послал фараон и позвал Иосифа. И поспешно вывели его из темницы. Он остригся и переменил одежду свою и пришел к фараону. |
| 15Фараон Иосифлы шуиз: «Мон уйвӧт адӟи, нош нокин но солэсь пуштроссэ валэктыны уг быгаты; тон сярысь мон кылӥ, уйвӧтъёслэсь пуштросъёссэс валэктыны быгатӥськод шуыса». | 15Фараон сказал Иосифу: мне снился сон, и нет никого, кто бы истолковал его, а о тебе я слышал, что ты умеешь толковать сны. |
| 16Иосиф фараонлы ответ сётыса шуиз: «Мон уг быгаты, Инмар быгатоз, Со фараонлы ӟеч ответ сётоз». | 16И отвечал Иосиф фараону, говоря: это не мое; Бог даст ответ во благо фараону. |
| 17Фараон Иосифлы шуиз: «Мон таӵе вӧт адӟи: тани, мон шур дурын сылӥсько, | 17И сказал фараон Иосифу: мне снилось: вот, стою я на берегу реки; |
| 18со виын шурысь сизьым куаем, чебер адӟиськись скалъёс пото но камыш пӧлтӥ сиськыса ветлыны кутско; | 18и вот, вышли из реки семь коров тучных плотью и хороших видом и паслись в тростнике; |
| 19но тани, таосыз бере вуысь пото мукетъёсыз сизьым скалъёс – начаресь, туж шушесь, мугорзы чиед: быдэс Египетысь таос кадь начаресьсэ адӟеме ик ӧвӧл; | 19но вот, после них вышли семь коров других, худых, очень дурных видом и тощих плотью: я не видывал во всей земле Египетской таких худых, как они; |
| 20начаресь, чиедэсь скалъёс азьвылъёссэ сизьым куаем скалъёсты сиизы. | 20и съели тощие и худые коровы прежних семь коров тучных; |
| 21Куаем скалъёс таосызлэн пушказы пыризы, но тодманы уг луы вал, таос соослэн пушказы пыризы шуыса: азьвыл кадь ик таос начаресь вал. Соку мон сайкай. | 21и вошли тучные в утробу их, но не приметно было, что они вошли в утробу их: они были так же худы видом, как и сначала. И я проснулся. |
| 22Та бере таӵе уйвӧт адӟи: тани, одӥг куро модосэ сизьым шепъёс пушйизы – тыресь, чебересь; | 22Потом снилось мне: вот, на одном стебле поднялись семь колосьев полных и хороших; |
| 23но тани, таосыз бере векчиесь, начаресь, шундыӝужанпал тӧл улын куасьмем шепъёс пушйизы но, | 23но вот, после них выросло семь колосьев тонких, тощих и иссушенных восточным ветром; |
| 24начар шепъёс сизьымзэ чебересь шепъёсты сиизы. Та вӧтъёсме туноослы верай, нош соос огзы но таослэсь пуштроссэс мыным валэктыны ӧз быгатэ». | 24и пожрали тощие колосья семь колосьев хороших. Я рассказал это волхвам, но никто не изъяснил мне. |
| 25Соку Иосиф фараонлы шуиз: «Фараонлэн уйвӧтъёсыз – одӥг уйвӧт: Инмар лэсьтоно ужзэ фараонлы ивортӥз. | 25И сказал Иосиф фараону: сон фараонов один: что Бог сделает, то Он возвестил фараону. |
| 26Сизьым чебересь скалъёс – со сизьым аръёс; сизьым удалтэм шепъёс но – со сизьым аръёс: та одӥг уйвӧт; | 26Семь коров хороших, это семь лет; и семь колосьев хороших, это семь лет: сон один; |
| 27таосыз бере потэм сизьым начаресь, чиедэсь скалъёс – со сизьым ар, озьы ик сизьым начаресь, шундыӝужанпал тӧлэн куасьтэм шепъёс – со сизьым сютэм аръёс. | 27и семь коров тощих и худых, вышедших после тех, это семь лет, также и семь колосьев тощих и иссушенных восточным ветром, это семь лет голода. |
| 28Тӥни, со понна ик уго мон фараонлы шуи: ”Инмар мар лэсьтоз, сое Со фараонлы возьматӥз”. | 28Вот почему сказал я фараону: что Бог сделает, то Он показал фараону. |
| 29Тани, сизьым ар ӵоже быдэс Египетын туж узыр, удалтэм аръёс луозы; | 29Вот, наступает семь лет великого изобилия во всей земле Египетской; |
| 30та аръёс бере вуозы сизьым сютэм аръёс, Египетын узырлыко луэм аръёсыз вунэтозы, сютэм улон та музъемез тырттэм кельтоз, | 30после них настанут семь лет голода, и забудется все то изобилие в земле Египетской, и истощит голод землю, |
| 31азьвыл узырлыклэн пытьыез но уз кыльы та музъеме, уго лыктӥсь сютэм аръёс туж секытэсь луозы. | 31и неприметно будет прежнее изобилие на земле, по причине голода, который последует, ибо он будет очень тяжел. |
| 32Фараонлы уйвӧт кык пол возьматскиз ке, со возьматэ ини, Инмарлэн кылыз зэм луэ, Инмар верам кылзэ ӝоген быдэстоз шуыса. | 32А что сон повторился фараону дважды, это значит, что сие истинно слово Божие, и что вскоре Бог исполнит сие. |
| 33Фараон мед шедьтоз ук табере нодлыко, визьмо адямиез, сое мед пуктоз Египетэн кивалтыны. | 33И ныне да усмотрит фараон мужа разумного и мудрого и да поставит его над землею Египетскою. |
| 34Со удалтэм сизьым аръёс ӵоже Египет музъемын [мар будӥз, солэсь] витетӥ люкетсэ бичаны эскерись-чакласьёсты фараон мед пуктоз ук; | 34Да повелит фараон поставить над землею надзирателей и собирать в семь лет изобилия пятую часть с земли Египетской; |
| 35та лыктӥсь ӟечлыко аръёсы вань кизем будосъёслэсь юзэс мед бичалозы но фараонлэн кивалтэм улсаз городъёсысь ю кеносъёсы мед люкалозы, мед утёзы; | 35пусть они берут всякий хлеб этих наступающих хороших годов и соберут в городах хлеб под ведение фараона в пищу, и пусть берегут; |
| 36та люкам сиён-юонэз утьыса мед возёзы, Египетын сизьым ар ӵоже сютэм улон луиз ке, калык, сютэм улыса, медаз быры». | 36и будет сия пища в запас для земли на семь лет голода, которые будут в земле Египетской, дабы земля не погибла от голода. |
| 37Та ӵектон фараонлы но, солэн вань медоосызлы но кельшиз. | 37Сие понравилось фараону и всем слугам его. |
| 38Аслаз медоосызлы фараон шуиз: «Шедьтомы-а мукетсэ таӵе адямиез, кин пушкын Инмарлэн Духез мед улысал?» | 38И сказал фараон слугам своим: найдем ли мы такого, как он, человека, в котором был бы Дух Божий? |
| 39Фараон Иосифлы шуиз: «Инмар тыныд ваньзэ тае усьтӥз бере, тынэсьтыд но нодоез, визьлыкоез соку ӧвӧл ини; | 39И сказал фараон Иосифу: так как Бог открыл тебе все сие, то нет столь разумного и мудрого, как ты; |
| 40тон мынам юртэным кивалтӥсь луод, вань калыке тынэсьтыд верам кылъёстэ санэ поноз; эксэй пуконын пуконэным гинэ мон тынэсьтыд вылӥын луо». | 40ты будешь над домом моим, и твоего слова держаться будет весь народ мой; только престолом я буду больше тебя. |
| 41Фараон Иосифлы шуиз: «Тани, мон тонэ быдэс Египет музъемен кивалтӥсь каро». | 41И сказал фараон Иосифу: вот, я поставляю тебя над всею землею Египетскою. |
| 42Соку фараон чиньыысьтыз печать нюртон зундэссэ басьтӥз но Иосифлэн чиньыяз понӥз; дуно, векчи-векчи етӥн дэралэсь вурем дӥськут вылаз дӥсяз, чыртыяз зарни жильы ошиз; | 42И снял фараон перстень свой с руки своей и надел его на руку Иосифа; одел его в виссонные одежды, возложил золотую цепь на шею ему; |
| 43ожмаськон уробоосыз пӧлысь кыкетӥяз уробое сое султытыса нуыны, солэн азяз, тазьы кесяськыса, мыныны косӥз: «Йырдэс мыкыртэ!» Быдэс Египет музъемлы сое кивалтӥсе пуктӥз. | 43велел везти его на второй из своих колесниц и провозглашать пред ним: преклоняйтесь! И поставил его над всею землею Египетскою. |
| 44Соку фараон Иосифлы шуиз: «Мон – фараон, но тон косытэк, одӥг мурт но кизэ уз вырты, пыдзэ но уз вырты – быдэс Египет музъемын». | 44И сказал фараон Иосифу: я фараон; без тебя никто не двинет ни руки своей, ни ноги своей во всей земле Египетской. |
| 45Фараон Иосифлы Цифнаф-панеах ним сётӥз; Илиопольысь Потифер вӧсясьлэсь Асенефа нылзэ солы кышнолы сётӥз. Иосиф быдэс Египет музъемез пырпотӥз. | 45И нарек фараон Иосифу имя: Цафнаф-панеах, и дал ему в жену Асенефу, дочь Потифера, жреца Илиопольского. И пошел Иосиф по земле Египетской. |
| 46Египетлэн эксэез, фараон, азе султыкуз, Иосифлы куамын арес вал. Иосиф фараон дорысь потӥз но быдэс Египет музъемез пыр ортчиз. | 46Иосифу было тридцать лет от рождения, когда он предстал пред лице фараона, царя Египетского. И вышел Иосиф от лица фараонова и прошел по всей земле Египетской. |
| 47Со музъемысь узыр, удалтӥсь сизьым аръёс ӵоже одӥг кидысысь быдэс кырым ю люкаськылӥз. | 47Земля же в семь лет изобилия приносила из зерна по горсти. |
| 48Египетын улэм [удалтэм] аръёсы вань кизем будосъёслэсь юзэс со городъёсысь ю кеносъёсы тыриз; котькудаз городэ котырысьтыз бусыосын будэтэм юэз люказ. | 48И собрал он всякий хлеб семи лет, которые были плодородны в земле Египетской, и положил хлеб в городах; в каждом городе положил хлеб полей, окружающих его. |
| 49Иосиф туж трос нянь люказ, зарезь дурысь луо мында, кудмындазэ ӧз но лыдъя ни, лыдъянтэм трос юэз люкаськиз уго. | 49И скопил Иосиф хлеба весьма много, как песку морского, так что перестал и считать, ибо не стало счета. |
| 50Сютэм аръёс вуэмлэсь азьвыл Иосифлэн Асенефа кышноез – Илиопольысь Потифер вӧсясьлэн нылыз – кык нуны вайиз. | 50До наступления годов голода, у Иосифа родились два сына, которых родила ему Асенефа, дочь Потифера, жреца Илиопольского. |
| 51Иосиф нырысь вордскем нуныезлы Манассия ним сётӥз, [со шуиз] уго: «Инмар монэ вунэтытӥз вань шугадӟон нуналъёсме, атаелэсь семьязэ-юртсэ». | 51И нарек Иосиф имя первенцу: Манассия, потому что говорил он Бог дал мне забыть все несчастья мои и весь дом отца моего. |
| 52Мукетызлы пиезлы Ефрем ним сётӥз, [со шуиз] уго: «Курадӟон чидаса улоно музъемам Инмар монэ емыш вайись кариз». | 52А другому нарек имя: Ефрем, потому что говорил он Бог сделал меня плодовитым в земле страдания моего. |
| 53Египетын сизьым ар ӵоже узырмыса улон йылпумъяськиз, | 53И прошли семь лет изобилия, которое было в земле Египетской, |
| 54сютэм улоно сизьым аръёс вуизы, кызьы Иосиф вераз вал. Вань музъемъёсы-шаеръёсы сютэм аръёс вуизы, нош быдэс Египет музъемын нянь вал. | 54и наступили семь лет голода, как сказал Иосиф. И был голод во всех землях, а во всей земле Египетской был хлеб. |
| 55Быдэс Египетын улӥсьёс сютэм улыны кутскем бере калык фараон азьын, нянь курыса, тэльмырыны кутскиз. Вань Египет калыклы фараон шуиз: «Мынэлэ Иосиф доры, мар со косӥз, сое быдэсъялэ». | 55Но когда и вся земля Египетская начала терпеть голод, то народ начал вопиять к фараону о хлебе. И сказал фараон всем Египтянам: пойдите к Иосифу и делайте, что он вам скажет. |
| 56Быдэс музъем вылын сютэм ар вал; соку Иосиф вань ю кеносъёсты усьтӥз но Египетын улӥсьёслы нянь вузаны кутскиз. Египет музъемын сютэм улон кужмогес но кужмогес луиз. | 56И был голод по всей земле; и отворил Иосиф все житницы, и стал продавать хлеб Египтянам. Голод же усиливался в земле Египетской. |
| 57Вань кунъёсысь адямиос Египетэ, Иосиф доры, нянь басьтыны лыктылӥзы, уго быдэс музъем вылын сютэм улон кужмо но кужмо луиз. | 57И из всех стран приходили в Египет покупать хлеб у Иосифа, ибо голод усилился по всей земле. |
Глава 41