Выбрать язык
Книги Ветхого Завета
Книги Нового Завета
с русским текстом1Соку Кузё-Инмар Моисейлы шуиз: «Фараон вылэ, египет калык вылэ эшшо одӥг вӧсь карон Мон лэзё на; собере со тӥледыз татысь кошкыны лэзёз; [тӥледыз] кошкыны лэзён вакытаз дыртыса тӥледыз татысь уллялоз;2калыклы [лушкемен] вера, котькудӥз пиосмурт матысь муртэзлэсь, котькудӥз кышномурт матысь муртэзлэсь азвесь арбериоссэ, зарни арбериоссэ, [дӥськутсэ] мед куроз».3Египет калыкез Кузё-Инмар [Аслаз] калыкез шоры лякыт синмын учкись кариз, [израиль пиос мар куризы, египет калык ваньзэ сётӥз;] Моисей но уго Египет музъемын, [фараон азьын,] солэн ляльчиосыз азьын, [вань] калыклэн син азяз быдӟым адями вал.
4Соку Моисей шуиз: «Тазьы шуэ Кузё-Инмар: ”Уйшоре Мон Египет музъем пыр пото,5Египет музъемысь ваньмыз нырысь вордскем пиос кулозы – эксэй пуконын пукись фараонлэн нырысь вордскем пиез бордысен кутскыса кикӧен изӥсь ляльчи кышнолэн нырысь вордскем пиез дорозь, пудоослэн но вань нырысь вордскем пиоссы кулозы;6быдэс Египет музъемын туж юн викышъяса бӧрдозы, таӵеез ноку но ӧй вал, уз но луылы азьланяз;7нош израиль пиослэн одӥг муртсы вылэ но, пудозы вылэ но пуны ымзэ но уз усьты, тӥ мед тододы: Кузё-Инмар египет калыкез но израиль калыкез ог-огзылэсь макем висъя”.
8Тынад вань та ляльчиосыд мон доры лыктозы но мыным тазьы шуыса йыбырттозы: ”Тон но, тынад валтоно вань калыкед но потэлэ”. Собере мон пото». [Моисей] фараон дорысь йыркурен потӥз.
9Соку Кузё-Инмар Моисейлы шуиз: «Фараон тӥледыз ӧз кылзӥськы, [Мынам паймымон тодметъёсы,] паймымон ужъёсы Египет музъемын мед йылозы шуыса».10Моисеен Аарон вань та [паймымон тодметъёсты,] паймымон ужъёсты фараон азьын лэсьтӥзы; нош Кузё-Инмар фараонлэсь сюлэмзэ лекомытӥз но, со израиль пиосты ас музъемысьтыз кошкыны ӧз лэзьы.
Глава 11