Выбрать язык
Книги Ветхого Завета
Книги Нового Завета
без русского текстаМОИСЕЙЛЭН КЫКЕТӤ КНИГАЕЗ. ПОТОН | ВТОРАЯ КНИГА МОИСЕЕВА. ИСХОД |
12-тӥ ЛЮКЕТ | Глава 12 |
| 1Кузё-Инмар Египет музъемысен Моисеен Ааронлы шуиз: | 1И сказал Господь Моисею и Аарону в земле Египетской, говоря: |
| 2«Таиз толэзь тӥледлы толэзьёслэн кутсконзы мед луоз, арысь толэзьёс пӧлысь со тӥ понна нырысетӥез толэзь мед луоз. | 2месяц сей да будет у вас началом месяцев, первым да будет он у вас между месяцами года. |
| 3Быдэс израиль калыклы вералэ: ”Та толэзьлэн дасэтӥ нуналаз котькуд семья ыжпи мед басьтоз, семьялы быдэ – ыжпи; | 3Скажите всему обществу Израилевых: в десятый день сего месяца пусть возьмут себе каждый одного агнца по семействам, по агнцу на семейство; |
| 4нош семья сокем пичи ке, – ыжпиез сиыса уз быдты, соку артэ коркасьтыз бускеленыз ӵош мед басьтозы, отын улӥсьёслэсь лыдзэс ӵотэ поныса, котькуд адямилэсь кӧня сиыны быгатэмзэ лыдэ басьтыса, сиськись калыклэн лыдызъя ыжпиез люкылоно. | 4а если семейство так мало, что не съест агнца, то пусть возьмет с соседом своим, ближайшим к дому своему, по числу душ: по той мере, сколько каждый съест, расчислитесь на агнца. |
| 5Ыжпиды шектэм-таза луыны кулэ, мес медаз лу, одӥг аресъем така мед луоз; ыжъёс пӧлысь яке кечъёс пӧлысь сое поттэ но | 5Агнец у вас должен быть без порока, мужеского пола, однолетний; возьмите его от овец, или от коз, |
| 6толэзьлэн дас ньылетӥ нуналозяз ас дорады возе; собере быдэс израиль калык, огазе люкаськыса, ӝыт сое мед вандоз. | 6и пусть он хранится у вас до четырнадцатого дня сего месяца: тогда пусть заколет его все собрание общества Израильского вечером, |
| 7Вирзэ мед кутозы но ыжпи сӥль сиён коркаоссылэсь кыксэ ик ӧс янакъёссэ вирен мед зырӟозы, ӧс янаклэсь вылысь корзэ но. | 7и пусть возьмут от крови его и помажут на обоих косяках и на перекладине дверей в домах, где будут есть его; |
| 8Тыл вылын сӥлез пыжыса, со уе ик сиыса мед быдтозы; чырсатымтэ нянен, курыт турынъёсын куртчыса, сое мед сиёзы; | 8пусть съедят мясо его в сию самую ночь, испеченное на огне; с пресным хлебом и с горькими травами пусть съедят его; |
| 9ыль кельтыса, вуын пӧзьтыса эн сие, йырыныз, пыдъёсыныз, ты-мусъёсыныз валче, тыл вылын пыжыса, сое сие. | 9не ешьте от него недопеченного, или сваренного в воде, но ешьте испеченное на огне, голову с ногами и внутренностями; |
| 10Сиытэк кылемзэ ӵукнаозьлы эн кельтэ, [лыоссэ эн пыргытэ,] вань кылем люкетъёссэ ӵукнаозь тыл вылын сутэ. | 10не оставляйте от него до утра; но оставшееся от него до утра сожгите на огне. |
| 11Тазьы сие: кусъёсты думемын мед луозы, пыдъёсты кутчамын мед луозы, бодыостэс кияды кутыса возе, дыртыса сое сие: та – Кузё-Инмарлэн Пасхаез. | 11Ешьте же его так: пусть будут чресла ваши препоясаны, обувь ваша на ногах ваших и посохи ваши в руках ваших, и ешьте его с поспешностью: это--Пасха Господня. |
| 12Нош Мон со уе Египет музъем пыр пото но Египет музъемысь нырысь вордскем пиосты ваньзэс погырто: адямиос пӧлысь но, пудоос пӧлысь но; египет калыклэн вань инмаръёсызлы суд лэсьто. Мон – Кузё-Инмар. | 12А Я в сию самую ночь пройду по земле Египетской и поражу всякого первенца в земле Египетской, от человека до скота, и над всеми богами Египетскими произведу суд. Я Господь. |
| 13Тӥляд улоно коркаосты бордын вир тодмет луоз: вирез адӟи ке, тӥляд вӧзтӥды кошко, Египет музъемез вӧсь карыса погыртыкум, тӥ пӧлын кулон вайись вӧсь карон уз луы. | 13И будет у вас кровь знамением на домах, где вы находитесь, и увижу кровь и пройду мимо вас, и не будет между вами язвы губительной, когда буду поражать землю Египетскую. |
| 14Та нунал тӥ понна сӥё-дано мед луоз, Кузё-Инмарлэн та праздникез шуыса, сое пусъе выжыысь выжыосы; пумтэм вапумъёслы сётэм та пуктон-косон луэ шуыса, та праздникез ортчытылэ. | 14И да будет вам день сей памятен, и празднуйте в оный праздник Господу во все роды ваши; как установление вечное празднуйте его. |
| 15Сизьым нунал юмал нянь сие; нырысь нуналаз ик коркаосады кыӵе ке но чырсатэм сиёнъёсты вань ке, ваньзэ быдтэ, малы ке шуоно кин ке нырысь нуналысен сизьыметӥ нуналозь чырсатэм сиён сииз ке, та адями лул израиль калык пӧлысь быдтэмын луоз. | 15Семь дней ешьте пресный хлеб; с самого первого дня уничтожьте квасное в домах ваших, ибо кто будет есть квасное с первого дня до седьмого дня, душа та истреблена будет из среды Израиля. |
| 16Нырысетӥ нуналаз тӥ вӧсяськонэ люкаське, сизьыметӥ нуналэ но вӧсяськонэ люкаське: со нуналъёсы нокыӵе но мукет ужъёс тӥ лэсьтыны кулэ ӧвӧл, асьтэлы сиён дасян сяна. | 16И в первый день да будет у вас священное собрание, и в седьмой день священное собрание: никакой работы не должно делать в них; только что есть каждому, одно то можно делать вам. |
| 17Юмал Нянь Сиён праздникез уте, уго та нуналэ ик Мон ожгарчиосты радэн-радэн султытыса поттэм кадь тӥледыз Египет музъемысь поттӥ; пумтэм вапумъёслы сётэм та пуктон-косон луэ шуыса, та нуналэз выжыысь выжыосы уте. | 17Наблюдайте опресноки, ибо в сей самый день Я вывел ополчения ваши из земли Египетской, и наблюдайте день сей в роды ваши, как установление вечное. |
| 18Нырысетӥ толэзьлэн дас ньылетӥ нуналысеныз ӝытазеысен кутскыса со толэзьлэн ик кызь одӥгетӥ нуналэзлэн ӝытазеозяз юмал нянь сие; | 18С четырнадцатого дня первого месяца, с вечера ешьте пресный хлеб до вечера двадцать первого дня того же месяца; |
| 19сизьым нунал ӵоже коркаосады чырсатэм шӧмды медаз луы, уго кин чырсатэм сиён сииз, со адями лул израиль калык пӧлысь быдтэмын луоз, лыктэм мурт-а со яке та музъемын пырак ӵоже улӥсь-а со. | 19семь дней не должно быть закваски в домах ваших, ибо кто будет есть квасное, душа та истреблена будет из общества Израилевых--пришлец ли то, или природный житель земли той. |
| 20Нокыӵе но чырсатэм сиён эн сие: вань улон интыосады юмал нянь сие”». | 20Ничего квасного не ешьте; во всяком местопребывании вашем ешьте пресный хлеб. |
| 21Израиль [пиослэсь] вань тӧрооссэс Моисей дораз люказ но соослы шуиз: «Котькудӥз семья аслыз ыжпи мед басьтоз но, Пасхалы дасяса, мед вандоз; | 21И созвал Моисей всех старейшин Израилевых и сказал им: выберите и возьмите себе агнцев по семействам вашим и заколите пасху; |
| 22одӥг кырым иссоп турын кутэ но сое сосудысь вир пӧлы веттэ, сосудысь вирен ӧс янаклэсь вылысь корзэ, кыксэ ик ӧс янакъёсты зырӟе, нош тӥ одӥгды но ӵукнаозь коркасьтыды ӧс сьӧры эн потэ. | 22и возьмите пучок иссопа, и обмочите в кровь, которая в сосуде, и помажьте перекладину и оба косяка дверей кровью, которая в сосуде; а вы никто не выходите за двери дома своего до утра. |
| 23Соку Кузё-Инмар Египетэз погыръяны потоз, ӧс йылысь, кык палысьтыз ик ӧс янак вылысь вирез адӟоз но Кузё-Инмар ӧс вӧзтӥ кошкоз, кулон вайисез корка пушкады тӥледыз виыны пырыны уз лэзьы. | 23И пойдет Господь поражать Египет, и увидит кровь на перекладине и на обоих косяках, и пройдет Господь мимо дверей, и не попустит губителю войти в домы ваши для поражения. |
| 24Та закон тӥледлы асьтэлы но, нылпиостылы но пумтэм вапумъёслы сётэмын луэ шуыса, сое уте. | 24Храните сие, как закон для себя и для сынов своих на веки. |
| 25Кузё-Инмарлэн тӥледлы сётоно музъемаз пыриды ке, кызьы Со азьвыл ик вераз вал, отын но та сямез-йылолэз быдэсъялэ. | 25Когда войдете в землю, которую Господь даст вам, как Он говорил, соблюдайте сие служение. |
| 26Тӥляд нылпиосты тӥлесьтыд юазы ке: ”Кыӵе, мар сямез-йылолэз тӥ быдэсъяськоды?” | 26И когда скажут вам дети ваши: что это за служение? |
| 27[Соослы] шуэ: ”Та Кузё-Инмарлы сӥзем Пасха курбон, Со уго египет калыкез погыръян-виылон дыръяз Египетын улӥсь израиль пиослэн корка вӧзтӥзы кошкиз, семьяосмес быдэс кельтӥз”». Соку калык пыдесъяськыса йыбырттӥз. | 27скажите: это пасхальная жертва Господу, Который прошел мимо домов сынов Израилевых в Египте, когда поражал Египтян, и домы наши избавил. И преклонился народ и поклонился. |
| 28Собере израиль пиос мынӥзы но лэсьтӥзы озьы, кызьы Кузё-Инмар Моисеен Ааронэз лэсьтыны косӥз. | 28И пошли сыны Израилевы и сделали: как повелел Господь Моисею и Аарону, так и сделали. |
| 29Уйшоре Кузё-Инмар Египет музъемысь ваньзэс нырысь вордскем пиосты вииз, – эксэй пуконаз пукись фараонлэн нырысь вордскем пиез бордысен кутскыса пытсэтын пукись муртлэн нырысь вордскем пиез дорозь, пудоослэсь нырысь вордскем пиоссэс но ваньзэ вииз. | 29В полночь Господь поразил всех первенцев в земле Египетской, от первенца фараона, сидевшего на престоле своем, до первенца узника, находившегося в темнице, и все первородное из скота. |
| 30Уйин фараон, солэн вань ляльчиосыз, вань египет калык султӥзы, соку [быдэс] Египет музъемын туж кужмо викышъян-бӧрдон кылӥськыны кутскиз, кулэм мурттэк одӥг корка ӧз кыльы уго. | 30И встал фараон ночью сам и все рабы его и весь Египет; и сделался великий вопль в земле Египетской, ибо не было дома, где не было бы мертвеца. |
| 31Соку фараон Моисеен Ааронэз уйин ик ӧтьытӥз но соослы шуиз: «Султэ, мынам калыке пӧлысь кошке асьтэос но, вань израиль пиос но, мынэ но [Инмардылы] Кузё-Инмарлы сӥзем вӧсяськон ортчытэ, кызьы тӥ азьвыл вераськоды вал; | 31И призвал фараон Моисея и Аарона ночью и сказал: встаньте, выйдите из среды народа моего, как вы, так и сыны Израилевы, и пойдите, совершите служение Господу, как говорили вы; |
| 32ыжъёстэс-кечъёстэс, скалъёстэс-ошъёстэс кутэ, кызьы вазен вераськоды вал, мынэ, мыным но бакель карон куре». | 32и мелкий и крупный скот ваш возьмите, как вы говорили; и пойдите и благословите меня. |
| 33Египет калык израиль пиосты дыртытӥз, соослэн музъем вылысьтызы ӝоггес мед кошкозы шуыса, уго соос малпало вал: соос ӧз ке кошке, ваньмы асьмеос быромы. | 33И понуждали Египтяне народ, чтобы скорее выслать его из земли той; ибо говорили они: мы все помрем. |
| 34Калык котэм няньзэ сьӧраз нуоно луиз, со чырсаса но ӧз вуы; нянь шумессэс дӥськутэн шобыръязы но пельпум вылазы ӝутыса нуизы. | 34И понес народ тесто свое, прежде нежели оно вскисло; квашни их, завязанные в одеждах их, были на плечах их. |
| 35Израиль пиос Моисейлэн верам кылызъя лэсьтӥзы вал: египет калыклэсь азвесь арбериоссэ, зарни арбериоссэ, дӥськутсэ куризы. | 35И сделали сыны Израилевы по слову Моисея и просили у Египтян вещей серебряных и вещей золотых и одежд. |
| 36Египет калыклэн син азяз Кузё-Инмар возьматӥз [Ас] калыксэ гажам-жалямзэ: израиль пиос мар куризы, египет калык ваньзэ сётӥз, египет калыклэсь узырлыксэ сьӧразы нуизы. | 36Господь же дал милость народу Своему в глазах Египтян: и они давали ему, и обобрал он Египтян. |
| 37Израиль пиос Раамсесысь Сокхофе кошкизы; нылпиосты лыдъятэк пӧлазы ог куать сю сюрс пыдын мынӥсь пиосмуртъёс вал; | 37И отправились сыны Израилевы из Раамсеса в Сокхоф до шестисот тысяч пеших мужчин, кроме детей; |
| 38пӧртэм выжыосысь адямиос но трос кузя соосын ӵош потӥзы, туж трос ыжъёс, кечъёс, ишакъёс, скалъёс, ошъёс соосын ӵош мынӥзы. | 38и множество разноплеменных людей вышли с ними, и мелкий и крупный скот, стадо весьма большое. |
| 39Египетысь поттэм юмал ыльняньзэс уднянь пыжизы, со чырсаса вуытэк ик, уго соосты Египетысь улляса лэзизы, соос ӝегаса улыны ӧз ни быгатэ, сюрес вылэ потыны сиён дасяса но ӧз вуэ. | 39И испекли они из теста, которое вынесли из Египта, пресные лепешки, ибо оно еще не вскисло, потому что они выгнаны были из Египта и не могли медлить, и даже пищи не приготовили себе на дорогу. |
| 40Израиль пиос, [соослэн атайёссы] Египет музъемын [Ханаан музъемын улэмзэс но лыдъяса] ньыль сю куамын ар улӥзы. | 40Времени же, в которое сыны Израилевы обитали в Египте, было четыреста тридцать лет. |
| 41Ньыль сю куамын ар ортчыса, самой со нуналэ ик Кузё-Инмарлэн вань ожгарчиосыз уйин Египет музъемысь потӥзы. | 41По прошествии четырехсот тридцати лет, в этот самый день вышло все ополчение Господне из земли Египетской ночью. |
| 42Та – Египет музъемысь поттэмез понна Кузё-Инмарез данъяса, изьытэк потон уй; та уй – вань израиль пиослэн выжыысь выжые Кузё-Инмарлы сӥзьыса, сак улыса ортчытоно уйзы. | 42Это--ночь бдения Господу за изведение их из земли Египетской; эта самая ночь--бдение Господу у всех сынов Израилевых в роды их. |
| 43Соку Кузё-Инмар Моисеен Ааронлы шуиз: «Тани Пасхалэн пуктон-косонэз: мурт выжыысь одӥг муртлы но сое сиыны уг яра; | 43И сказал Господь Моисею и Аарону: вот устав Пасхи: никакой иноплеменник не должен есть ее; |
| 44нош азвесь тырыса басьтэм ляльчи, солы вандӥськон сямез ортчытӥды ке, со сое сиыны быгатэ; | 44а всякий раб, купленный за серебро, когда обрежешь его, может есть ее; |
| 45мукет азьысь улыны лыктэм муртлы, медъяськыса ужась муртлы Пасхаез сиыны уг яра. | 45поселенец и наемник не должен есть ее. |
| 46Одӥг корка пушкын сое сиёно, [ӵукнаозьлы номырзэ но эн кельтэ,] сӥлез коркась эн потталэ, лыоссэ эн пыргытэ. | 46В одном доме должно есть ее, не выносите мяса вон из дома и костей ее не сокрушайте. |
| 47Израильысь вань калык, одӥгез но кыльытэк, Пасхаез ортчытыны кулэ. | 47Все общество Израиля должно совершать ее. |
| 48Сьӧрлось вуэм мурт тон доры улыны пыриз ке, Кузё-Инмарлы сӥзем Пасхаез ортчытэмез потӥз ке, соку солэн семьяысьтыз вань пиосмуртъёсызлы вандӥськон сямез ортчытэ, соку со Пасхаез ортчытыны быгатоз, соку со та музъемын вордскем-улӥсь адямиосын оградын луоз; нош кинлы вандӥськон сям ортчытымтэ, соос одӥгзы но Пасхаез сиыны кулэ ӧвӧл; | 48Если же поселится у тебя пришлец и захочет совершить Пасху Господу, то обрежь у него всех мужеского пола, и тогда пусть он приступит к совершению ее и будет как природный житель земли; а никакой необрезанный не должен есть ее; |
| 49закон одӥг мед луоз та музъемын пырак ӵоже улӥсь понна но, сьӧрлось лыктыса тӥ пӧлы улыны интыяськем мурт понна но». | 49один закон да будет и для природного жителя и для пришельца, поселившегося между вами. |
| 50Вань израиль пиос лэсьтӥзы озьы, кызьы Кузё-Инмар Моисеен Аарон пыр косон сётӥз. | 50И сделали все сыны Израилевы: как повелел Господь Моисею и Аарону, так и сделали. |
| 51Самой со нуналэ Кузё-Инмар ожгарчиосты музэн израиль пиосты Египет музъемысь поттӥз. | 51В этот самый день Господь вывел сынов Израилевых из земли Египетской по ополчениям их. |
Глава 12