Выбрать язык
Книги Ветхого Завета
Книги Нового Завета
без русского текстаМОИСЕЙЛЭН КУИНЕТӤ КНИГАЕЗ. ЛЕВИТ | ТРЕТЬЯ КНИГА МОИСЕЕВА. ЛЕВИТ |
3-тӥ ЛЮКЕТ | Глава 3 |
| 1Солэн курбонэз тупаса улонлы сӥзем курбон ке, сюро таза пудоез ке со курбонлы вае – ошсэ яке мессэ, Кузё-Инмарлы ваем курбон пудоезлэн нокыӵе но шекез медаз луы, | 1Если жертва его жертва мирная, и если он приносит из крупного скота, мужеского или женского пола, пусть принесет ее Господу, не имеющую порока, |
| 2курбон пудоезлэн йыр вылаз со кизэ мед поноз, вӧсяськон скинияе пырон ӧс дорын сое мед вандоз; нош Аарон пиос, священникъёс, курбон сётон ӝӧкез котыр ласянь вирен мед пазялозы. | 2и возложит руку свою на голову жертвы своей, и заколет ее у дверей скинии собрания; сыны же Аароновы, священники, покропят кровью на жертвенник со всех сторон; |
| 3Тупаса улонлы сӥзем курбон пудолэсь со вань пуш кӧйзэ, пушказ люкаськем кӧез, Кузё-Инмарлы мед ваёз, | 3и принесет он из мирной жертвы в жертву Господу тук, покрывающий внутренности, и весь тук, который на внутренностях, |
| 4кыксэ ик пеклязэ, соос вылысь, саур (макес) вылысьтыз кӧез, мус бордысьтыз кӧй пуйызэ мед ваёз; тае со пекляосын валче мед ваёз; | 4и обе почки и тук, который на них, который на стегнах, и сальник, который на печени; с почками он отделит это; |
| 5Ааронлэн пиосыз тае курбон сётон ӝӧк вылын тылын ӝуась пу вылын, тылын сутӥськись курбонэн ӵош, сутозы: та Кузё-Инмарлы ярамон ческыт зын поттӥсь курбон. | 5и сыны Аароновы сожгут это на жертвеннике вместе со всесожжением, которое на дровах, на огне: это жертва, благоухание, приятное Господу. |
| 6Тупаса улонлы сӥзьыса, со сюро векчи пудоез, таказэ яке мессэ, Кузё-Инмарлы курбон сётэ ке, ваем курбон пудоезлэн нокыӵе но шекез медаз луы. | 6А если из мелкого скота приносит он мирную жертву Господу, мужеского или женского пола, пусть принесет ее, не имеющую порока. |
| 7Ыжъёс пӧлысь со курбонзэ вае ке, сое Кузё-Инмар азе мед султытоз, | 7Если из овец приносит он жертву свою, пусть представит ее пред Господа, |
| 8курбон пудоезлэн йыр вылаз кизэ мед поноз но вӧсяськон скиния азьын сое мед вандоз, соку Ааронлэн пиосыз курбон сётон ӝӧкез котыр ласянь курбон пудолэн вирыныз мед пазялозы; | 8и возложит руку свою на голову жертвы своей, и заколет ее пред скиниею собрания, и сыны Аароновы покропят кровью ее на жертвенник со всех сторон; |
| 9тупаса улонлы сӥзьыса ваем курбон пудолэсь кӧйзэ Кузё-Инмарлы мед ваёз, ошиськыса улӥсь быдэс кӧй пуйызэ*а, сюрлы вӧзтӥ ик вандыса, вань пуш кӧйзэ, пушказ люкаськем кӧйзэ, мед ваёз, | 9и пусть принесет из мирной жертвы в жертву Господу тук ее, весь курдюк, отрезав его по самую хребтовую кость, и тук, покрывающий внутренности, и весь тук, который на внутренностях, |
| 10кыксэ ик пеклязэ, соос вылысь кӧйзэ, саур (макес) кӧйзэ, мус бордысьтыз кӧй люкаськон пуйызэ мед ваёз; тае со пекляосыныз валче мед ваёз; | 10и обе почки и тук, который на них, который на стегнах, и сальник, который на печени; с почками он отделит это; |
| 11священник тае курбон сётон ӝӧк вылын сутоз: та тыллэн сиёнэз – Кузё-Инмарлы ваем курбон. | 11священник сожжет это на жертвеннике; это пища огня--жертва Господу. |
| 12Нош со кечъёс пӧлысь курбон сётэ ке, сое Кузё-Инмар азе мед султытоз. | 12А если он приносит жертву из коз, пусть представит ее пред Господа, |
| 13Кечезлэн йыр вылаз кизэ мед поноз но вӧсяськон скиния азьын сое мед вандоз, Ааронлэн пиосыз солэн вирыныз курбон сётон ӝӧкез котыр ласянь мед пазялозы; | 13и возложит руку свою на голову ее, и заколет ее перед скиниею собрания, и покропят сыны Аароновы кровью ее на жертвенник со всех сторон; |
| 14Кузё-Инмарлы курбон карыса, солэсь пуш кӧйзэ, пушказ люкаськем вань кӧйзэ, саламлы мед ваёз; | 14и принесет из нее в приношение, в жертву Господу тук, покрывающий внутренности, и весь тук, который на внутренностях, |
| 15кыксэ ик пеклязэ, вылысьтыз кӧйыныз валче, саур (макес) бордысь кӧйзэ, мус бордысьтыз кӧй люкаськон пуйызэ; тае со пекляосыныз валче мед ваёз; | 15и обе почки и тук, который на них, который на стегнах, и сальник, который на печени; с почками он отделит это |
| 16священник соосты курбон сётон ӝӧк вылын сутоз: та тыллэн сиёнэз – [Кузё-Инмарлы] ярамон ческыт зын поттон; вань кӧез Кузё-Инмарлы сётоно. | 16и сожжет их священник на жертвеннике: это пища огня--приятное благоухание Господу; весь тук Господу. |
| 17Та пуктон-косон тӥляд выжыостылы пумтэм вапумъёс ӵожелы, вань улон интыосады утён понна сётэмын: нокыӵе но кӧез, нокыӵе но вирез эн сие. | 17Это постановление вечное в роды ваши, во всех жилищах ваших; никакого тука и никакой крови не ешьте. |
*а 3:9 кӧй пуйы – курдюк
Глава 3