Выбрать язык
Книги Ветхого Завета
Книги Нового Завета
с русским текстом1-тӥ книга
1Иудалэн пиосыз: Фарес, Есром, Харми, Хур но Шовал.2Шоваллэн Реаия пиезлэсь Иахаф вордскиз; Иахафлэсь Ахум но Лагад вордскизы; соос бордысь кылдӥзы Цора карын улӥсь выжыос.3Таосыз Етамлэн пиосыз: Изреель, Ишма но Идбаш, соослэн сузэрзы Гацлелпони нимо,4Пенуел, Гедорлэн атаез, Езер, Хушлэн атаез. Тани Хурлэн пиосыз, Ефрафалэн нырысь вордскем пиезлэн, Вифлеемлэн атаезлэн, пиосыз.
5Фекоялэн атаезлэн, Ахшурлэн, кык кышноез вал: Хела но Наара.6Наара солы Ахузам, Хефер, Фимни но Ахашфари пиоссэ вайиз; та Нааралэсь вордскем пиос.7Хелалэн пиосыз: Цереф, Цохар но Эфнан.
8Коцлэсь вордскиз: Анув, Цовев но Гарумлэн Ахархел пиезлэн выжыосыз.
9Иавис агай-вынъёсызлэсь нимо-даногес вал. Анаез солы Иавис ним сётыкуз шуиз: «Висьыса мон сое вайи».10Иавис Израильлэн Инмарезлы вазиськыса шуиз: «Э, Тон монэ Аслад бакель каронэныд бакель карысалыд ке, улон интыме паськытатысалыд ке, Тынад киыд мон вылын улысал но уродлэсь монэ утьыса возьысал ке, мон медам куректы-кайгыры шуыса!..» Мар со куриз, Инмар солы сётӥз.
11Нош Шухалэн братэзлэсь, Хелувлэсь, вордскиз Махир; со Ештонлэн атаез луэ.12Ештонлэсь вордскиз Беф-Рафа, Пасеах но Техинна, Нааса карлэн атаез [Нааса – Кенез выжыысь Селомен Ахазлэн братсы]; соос Рехаын улӥсьёс.
13Кеназлэн пиосыз: Гофониил но Сераия, Гофонииллэн пиез: Хафаф.14Меонофайлэсь вордскиз Офра, нош Сераиялэсь вордскиз Иоав, Лэсьтӥськисьёслэн нёжалзылы кутскон сётӥсь, уго соос лэсьтӥськисьёс вал.
15Иефоннийлэн Халев пиезлэн пиосыз: Ир, Ила но Наам. Илалэн пиез: Кеназ.16Иегаллелеллэн пиосыз: Зӥф, Зӥфа, Фирия но Асареел.17Езралэн пиосыз: Иефер, Меред, Ефер но Иалон; Иеферлэсь вордскизы Мером, Шаммай но Ишбах, Ешфемоалэн атаез.18Солэн Иудия кышноезлэсь вордскизы Гедорлэн атаез Иеред, Сохолэн атаез Хевер, Занаохлэн атаез Иекуфиил. Таос луо Мередлэн фараонлэсь кышнолы басьтэм Бифья нылызлэн пиосыз.19Годиялэн кышноезлэн, Кеильлэн атаезлэн, Нахамлэн сузэрезлэн, пиосыз: Гарми но Ешфемоа – Маахатын вордскем мурт.20Симеонлэн пиосыз: Амнон, Ринна, Бенханан, Филон. Ишийлэн пиосыз: Зохеф но Бензохеф.
21Иудалэн пиезлэн Сӥломлэн пиосыз: Лехалэн атаез Ир, Марешалэн атаез Лаеда но Ашбея юртысь виссон басма куись семьяос,22Иоким, Хозеваысь улӥсьёс, Иоаш но Сараф, соослэн музъемзы Моавын вал, озьы ик Иашувилехем; но та вашкала аръёсы ортчем ужъёс.23Соос горшок лэсьтӥсьёс вал, садъёсын, бакчаосын соос улӥзы; эксэйлэсь ужъёссэ быдэсъяса соос улӥзы.
24Симеонлэн пиосыз: Немуил, Иамин, Иарив, Зерах но Саул.25Сауллэн пиез Шаллум, Шаллумлэн пиез Мивсам, солэн пиез Мишма.26Мишмалэн пиосыз: Хаммуил, солэн пиез; солэн пиез Закур; солэн пиез Шимей.27Шимейлэн дас куать пиез но куать нылыз вал; нош братъёсызлэн пиосыз трос ик ӧй вал; Иуда пиослэн выжызы кадь соослэн вань улы-выжызы трос лыдо ӧй вал.
28Соос улӥзы Вирсавияын, Моладаын, Хацар-Шуалын,29Билгаын, Ецемын, Фоладын,30Вефуилын, Хормаын, Циклагын,31Беф-Маркавофын, Хацар-Сусимын, Беф-Бирейын, Шааримын. Тани та соослэн Давид эксэе пуксьытозь луэм городъёссы.32Соослэн гуртъёссы: Етам, Аин, Риммон, Фокен но Ашан – вить городъёс.33Та городъёс котырысен Ваалозь соослэн вань гуртъёссы интыяськемын. Тани та соослэн улон интыоссы но ӵыжы-выжыоссы.
34Мешовав, Иамлех но Амассиялэн Иосия пиез,35Иоил но Иегу Иошивалэн пиез, Асииллэн Сераия пиезлэн пиез,36Елиоенай, Иакова, Ишохаия, Асаия, Адиил, Ишимиил но Ванея,37Зӥза – Шемаиялэн Шимрий пиезлэн, Иедаиялэн Аллон пиезлэн Шифий пиезлэн пиез, –38ваньзы таос, нимынызы верам муртъёс луо ас улы-выжызылэн кивалтӥсьёсыз, соослэн атайёссылэн юртысьтызы трос выжыос яна потӥзы.39Пудо уллёоссылы возьёс шедьтон понна соос Герара дорозь, нёжаллэн шундыӝужанпал дорозяз вуылӥзы;40турыно, ӟеч возьёс, паськыт музъем, каньылэн, кышкатэк улон инты шедьтӥзы, уго отын азьвыл кӧня ке дыр хам выжыысь калык улӥз.41Иудеяын Езекия эксэйын пукыку, таос, нимын гожтэмъёс, лыктӥзы но отын кӧчыса но, кӧчытэк но улӥсьёсты виылӥзы, пырак ӵожелы соосты быдтӥзы но соослэн интыязы улыны интыяськизы, уго отын пудооссэс возьман понна возьёс вал.42Соос пушкысь ик, Симеонлэн пиосыз пӧлысь, вить сю мурт Сеир гурезь доры мынӥзы: Фелатия, Неария, Рефаия но Узиил, Ишийлэн пиосыз соослэн валтӥсьёссы вал;43отчы улыны кылем амалик калыклэсь адямиоссэ виылӥзы, асьсэос табере отын та дырозь уло.
Глава 4