Выбрать язык
Книги Ветхого Завета
Книги Нового Завета
с русским текстом1-тӥ книга
1Та бере аммон калыклэн Наас эксэез кулӥз, со интые солэн пиез эксэе пуксиз.2Соку Давид шуиз: «Нааслэн пиезлы, Аннонлы, ӟеч каро солэн атаез мыным ӟеч уж лэсьтэм понна». Давид со доры адямиоссэ ыстӥз атаез пумысен буйгатон понна. Давидлэн медоосыз Аммон музъеме, Аннон доры вуизы сое буйгатон понна.3Нош аммон калыклэн кивалтӥсьёсыз Аннонлы шуизы: «Оло, тон малпаськод, атайдэ гажаса, тон доры Давид буйгатӥсьёссэ ыстӥз шуыса? Солэн медоосыз тон доры ӧз лыктэ меда музъеммес чакланы, эскерыны но таркаса куштыны?»4Соку Аннон Давидлэсь медооссэ кутӥз но тушсэс ӵышкиз, дӥськутсэс шорияк, макес выжыозязы, вандӥз но гуртазы келяз.5Соос кошкизы. Та адямиос сярысь Давидлы ивор вуттэмын вал, соослэн пумитазы адямиосты ыстӥз, уго соосты туж-туж сантэмазы; эксэй шуиз: «Тушъёсты будытозь, Иерихонын улэ, собере татчы берытске».
6Аммон калык адӟиз, кызьы соос Давидлы кӧтвеськантэм луизы, соку Аннонэн ӵош аммон калык, сюрс талант азвесь сётыса, Месопотамияысь Сирияе, Маахалэн Сирияяз, Сувае ожмаськон уробоос, вал вылын ожмаськисьёс басьтыны ыстӥзы.7Куамын кык сюрс ожмаськон уробо, Маахалэн эксэез калыкеныз ӵош асьсэлы пунэмазы, соос лыктыса Медева кар азе интыяськизы. Нош аммон калык, городъёсысьтыз потыса, люкаськиз но оже потӥз.
8Давид та сярысь кылэм бераз Иоавез кышкасьтэм ожгарчиосын ӵош ыстӥз.9Аммон ожгарчиос ожмаськонэ потыны кар капка азе радэн султӥзы, нош эксэйёс лыктыса бусые нимаз султӥзы.10Иоав адӟиз, солы азьпалласянь но, мышласянь но ожмаськоно луоз шуыса, соку со Израильысь вань быръем ожгарчиос пӧлысь устооссэ бырйиз но сири ожгарчиослэн пумитазы султытӥз.11Калыклэсь мукет люкетсэ Авесса братэзлэн киулаз сётӥз, аммон калыклы пумит мед султозы шуыса.12Со шуиз: «Сири ожгарчиос монэ вормыны кутскизы ке, тон мыным юрттӥськы, нош аммон калык тонэ вормыны кутскиз ке, соку мон тыныд юрттӥсько.13Кышкасьтэм лу, асьме калык понна юн сылом, Инмармылэн городъёсыз понна но, – Кузё-Инмар мед лэсьтоз, мар Солы ярано».14Иоав ас бордысьтыз адямиосын ӵош сири ожгарчиосын ожмаськыны кутскиз, нош соос солэсь бызьыса пегӟыны кутскизы.15Аммон ожгарчиос адӟизы сири пиослэсь пегӟемзэс но Авесса братэз дорысь асьсэос но бызьыса кошкыны кутскизы, городэ кошкизы. Со виын Иоав Иерусалиме вуиз.
16Сири пиос адӟизы, соосты израиль пиос вормизы шуыса, соку соос адямиоссэс ыстӥзы но шур тупала кылем сири ожгарчиосты тапала выжытӥзы, Адраазарлэн ожен кивалтӥсез Совак соосын кивалтӥз.17Та сярысь Давидлы ивор вуттэм бере со вань израиль пиосты люказ, Иордан вамен выжиз но, сири ожгарчиос доры вуыса, соослы пумит султӥз. Давид сири пиослы пумит султӥз, соос соин ожмаськизы.18Сири пиос израиль пиослэсь пегӟыны кутскизы, соку Давид сири ожгарчиослэсь сизьым сюрс ожмаськон уробооссэс быдтӥз, ньыльдон сюрс пыдын ожмаськисьёссэ, ожен кивалтӥсь Совакез но вииз.19Адраазарлэн медоосыз адӟизы, соосты израиль ожгарчиос вормизы шуыса, соку соос Давидэн тупаса улон гожтӥзы но солы тэрытскыса улыны кутскизы. Та бӧрсьы сири калыклэн аммон калыклы юрттӥськемез ӧз ни поты.
Глава 19