Выбрать язык
Книги Ветхого Завета
Книги Нового Завета
с русским текстом2-тӥ книга
1Иерусалимын улӥсьёс Иорамлэсь покчи пизэ Охозияез эксэе пуктӥзы со интые, уго ваньзэ бадӟымъёссэ пиоссэ стан доры арабъёсын ӵош вуэм уллё виылӥз, – таре эксэе пуксиз Иудеяысь Иорам*а эксэйлэн пиез Охозия.
2Эксэе пуксьыкуз, Охозиялы кызь кык арес вал, со одӥг ар ӵоже Иерусалимын эксэй пуконын пукиз; солэн анаез Гофолия нимо, со Амврийлэн нылыз вал.3Охозия Ахав выжылэн сюрес вылтӥз ветлӥз, уго солэн анаез законлы пумит улонын визь-нод сётӥсь вал.4Ахав выжы сямен ик Охозия Кузё-Инмар азьын ярантэм ужъёс лэсьтыса улӥз, уго солэн атаез кулэм бере, сое быронэ вуттон понна, Ахав выжы солэн визь-нод сётӥсьёсыз луизы.5Озьы ик соослэсь визь-кенешъёссэс кылзӥськыса, со Ахавлэн, Израильлэн эксэезлэн, Иорам пиеныз ӵош Сириялэн Азаил эксэезлы пумит Галаадысь Рамоф каре ожмаськыны мынӥз. Сирия ожгарчиос Иорамез яраё каризы.6Сириялэн Азаил эксэеныз ожмаськыкуз Рамаын басьтэм яраоссэ эмъяны со Изрееле эмъяськыны берытскиз. Соку Иорамлэн пиез, Иудеялэн Охозия эксэез, Изрееле Ахавлэсь Иорам пизэ адӟыны ветлӥз, со висе вал уго.7Иорам доры солэн вуылэмез Инмар дорысь солы быронлы вал: татчы вуэм бераз со Иорамен ӵош Намессийлэн Ииуй пиезлы пумит мынӥзы уго, кинэ Кузё-Инмар вӧйын зырӟиз Ахавлэсь выжызэ быдтон понна.8Ииуй Ахав выжылы судзэ быдэсъяку, со Иудеяысь кивалтӥсьёсты, Охозиялы ужаса-тыршыса улӥсь Охозиялэн агай-вынъёсызлэсь пиоссэс шедьтӥз но соосты виылӥз.9Со Охозияез утчаны ыстӥз, Самариятӥ пегаса ветлыкуз, сое Ииуй доры кутыса вайизы но виизы, ватӥзы, шуо вал уго: «Со вань сюлмыныз Кузё-Инмарез утчась Иосафатлэн пиез луэ». Охозиялэн выжыяз эксэе пуксьыны ярамон мурт ӧз кыльы.
10Охозиялэн анаез Гофолия адӟиз, солэн пиез кулэмын шуыса, соку со султӥз но Иуда юртысь вань эксэй выжыез быдтӥз.11Нош эксэйлэн Иосавеф нылыз Охозиялэсь Иоас пизэ эксэй юртысь, виылоно пиос пӧлысь лушказ но сое сюдӥсь-нонтӥсь муртэныз ӵош кӧлан комнатае интыяз; тазьы Охозиялэн сузэрез, Иодай священниклэн кышноез, Иорам эксэйлэн нылыз Иосавеф сое Гофолиялэсь ватӥз но, сое ӧз вие.12Инмар коркан сое куать ар ватыса возизы; нош Гофолия та музъемлы эксэй вал.
а* 22:1 одӥг дауре ик Иудей но Израиль кунъёслэн эксэйёссы Иорам нимоесь вал
Глава 22