Выбрать язык
Книги Ветхого Завета
Книги Нового Завета
с русским текстом1Ми борддор лэсьтӥськом шуыса, Санаваллат кылӥз но вожзэ поттӥз, туж йыркуръяськиз, иудейёсты сантэмаса возиз;2Агай-вынъёсыз азьын, Самарияысь ожгарчиос азьын шуиз: «Та пӧрмостэм иудейёс мар лэсьто? Та ужен вырыны лэзьыны яра шат? Соос курбонъёс сётылозы-а, оло? Оло нош куке но соку соос ужзэс йылпумъялозы? Сюй пӧлысь люкъёсысь изъёсты, эшшо ке тыл пӧлын ӝуамъёсты соос улӟытозы-а, оло?»3Нош аммон пи Товия, со вӧзын улэм мурт, шуиз: «Мед ойдо лэсьтӥськозы; ӟичы ортчоз но из борддорзэс куашкатоз».
4Инмармы, кыл милемыз, кыӵе синазькыль карон улын ми улӥськомы, соослэсь урод каронзэс асьсэлэн йыр вылазы берыкты, пленын улон музъемын синазькыль карыса соосты мед возёзы,5законлы пумит улэмъёссэс эн шобырты, Тынад азяд сьӧлыксы но медаз ӵушиськы, уго соос лэсьтӥськись-пуктӥськисьёсты ӝоже уськытӥзы!6Озьы ке но борддорез ми лэсьтӥмы, ӝыныозяз борддор ӝутэмын вал. Ужаны калыклэн мылкыдыз тырмиз.
7Санаваллат но, Товия но, Аравияысь калык но, аммон, азот калыкъёс Иерусалимлэсь борддоръёссэ лэсьтӥсько, сӧриськем интыоссэ тупатъясько шуыса кылӥзы но туж йыркуръяськизы.8Ваньзы огазе люкаськыса вераськизы Иерусалим вылэ ӵош ожен мыныны но сое куашкатыны.9Ми асьмелэн Инмармылы вӧсяськимы, соослэсь утиськон понна соослы пумит уйлы но, нуналлы но возьмаськисьёсмес пуктылӥмы.10Нош иудейёс шуизы: «Секыт арбери нуллӥсьёслэн кужымзы лябӟиз, нош жуг-жаг трос люкаськиз; борддор ӝутыны кужыммы уз тырмы ни».11Нош тушмонъёсмы шуылӥзы: «Уз но тодэ, уз но адӟе, кызьы ми соослэн шоразы пыромы но соосты виыломы, ужзэс дугдытомы».12Соос вӧзын улӥсь иудейёс лыктылыса дас пол но веразы, пӧртэм интыосысен соос ми вылэ урдскылозы шуыса.13Соку мон город дуре, борддор сьӧры, улыг интыосы, кӧс интыосы выжыен-выжыен калыкез мечъёсын, шибодыосын, пукыӵъёсын султытъяй.14Мон учки-чаклай, султӥ но нимо-даноесь муртъёслы, кивалтӥсьёслы, мукет калыклы но шуи: «Эн кышкалэ соослэсь; быдӟым но кышкыт Кузё-Инмарез тодады вае, ас агай-вынъёсты понна нюръяське, нылъёсты, пиосты, кышноосты, юртъеръёсты понна нюръяське».
15Тушмонъёсмы соослэсь малпанзэс ми тодӥськомы ни шуыса кылэмзы бере Инмар соослэсь лушкем малпанзэс куашкатӥз; соку ми ваньмы борддор доры, асьмелэн ужан удысъёсамы берытскимы.16Со нуналысен кутскыса, мон дорын егитъёс пӧлысь ӝыныез ужаз, нош ӝыныез, шибодыос, щитъёс, пукыӵъёс кутыса, корт дӥсь дӥсяса улӥз; кузёйыръёс быдэс иудей калыклэн сьӧраз улӥзы.17Борддор лэсьтӥсьёс но тырем секыт арбериосты нуллӥсьёс одӥгеныз киынызы ужазы, нош мукетаз шибоды кутыса возизы.18Котькудӥз лэсьтӥськись-пуктӥськись кусказ меч ошыса ветлӥз, озьы соос лэсьтӥськизы. Мон вӧзын гумыен пеллясь сылӥз.19Нимо-даноослы, кузёйыръёслы, мукет калыклы мон шуи: «Уж туж трос, туж бадӟым, асьмеос борддор кузя пазьгиськемын, ог-огмылэсь висъяськемын;20соин ик, кудпалась гумы куара кылӥды ке, ми доры со интые люкаське: Инмармы асьме понна нюръяськоз».21Тазьы ми ужамы; ӝыныез калык куазь ӟардонысен кутскыса кизилиос потытозь кияз шибоды кутыса улӥз.22Со сяна, со виын ик калыклы мон шуи: ваньзы ляльчиосынызы огазьын Иерусалимын мед кӧлалозы, – уйёсы соос ми дорын возьмаськыса улозы, нош нуназе ужалозы.23Мон но, агай-вынъёсы но, ляльчиосы но, монэ келяса ветлӥсь возьмаськисьёсы но вылысьтымы дӥськутмес ӧм куштэлэ, котькудӥзлэн ки улаз меч но ву вал.
Глава 4