Выбрать язык
Книги Ветхого Завета
Книги Нового Завета
без русского текстаЕСФИРЬЛЭН КНИГАЕЗ | КНИГА ЕСФИРИ |
1-тӥ ЛЮКЕТ | Глава 1 |
| [Быдӟым Артаксеркс кыкетӥ арзэ эксэйын пукыку, Нисан толэзьлэн нырысетӥ нуналаз Вениамин выжыысь Кисейлэн Семей пиезлэн Иаир пиезлэн Мардохей пиез уйвӧт адӟиз. Со иудей пи вал, Сузы карын улӥз, бадӟым санэн адями, эксэй юртын ужаса-тыршыса улӥз. Вавилонлэн Навуходоносор эксэез сое пленэ вайиз, со пленэ шедемъёс пӧлысь вал, Иерусалимысь Иудеялэн Иехония эксэеныз ӵош пленэ басьтэмын вал. Уйвӧтаз со тае адӟиз: шимес куара кылӥське, гудыръя, музъем зурка, музъем вылын куалекъян-бугыръяськон; тани, кык бадӟымесь кыйёс потӥзы, соос дась вал куспазы жугиськыны; шуш куараен соос вузӥзы, соослэсь вузэмзэс кылыса, вань калыкъёс ожмаськыны дасяськизы шонер улӥсь калыкез погыртон понна; но тани – тём-тём пеймыт, ӝомало нунал вуиз, туж бадӟым ӝожлыко, ӝикаса улон, курадӟон, куалекъян музъем вылэ вуизы; вань шонер улӥсь калык мар карыны паймиз, шугадӟонъёсты чиданлэсь кышкаса, соос кулыны дасяськизы но Кузё-Инмарлы тэльмырыса вазиськылӥзы; соослэн викышъяса бӧрдэмысьтызы, пичи ошмесысь кадь, туж трос вуо туж бадӟым шур кылдӥз; югытлык, шунды пиштыны кутскиз, соку зӥбыт-востэм улӥсьёс ӝутскизы но вылтӥяськисьёсты быдтӥзы. – Та уйвӧтэз адӟем бераз Мардохей сайказ но Инмарлэсь мар лэсьтыны малпамзэ, та вӧтаз адӟемзэ со сюлмаз возиз, но пеймыт луытозь солэсь вань чыры-пыры люкетъёссэ но валамез потӥз. Мардохей эксэй юртын Гавафаен, Фарраен, эксэй юртысь сое возьмась кык евнухъёсын ӵош улӥз, соослэсь вераськемзэс кылӥз, малпанъёссэс чаклаз-эскериз но тодӥз, соос Артаксеркс эксэез быдтыны туртто шуыса. Та сярысь со эксэйлы ивортӥз, нош эксэй та кык евнухъёсты курадӟытыса кылзэс юаз. Малпам ужзэс шарае поттэмзы бере соосты виизы. Та ужъюгдурез эксэй ваньмызлы тодазы возьытон понна гожтӥз, Мардохей но та ужъюгдур сярысь аслыз гожтӥз. Эксэй Мардохеез ас юртаз ужаса-тыршыса улыны косӥз, ужез понна солы кузьымъёс сётӥз. Соку эксэй котырын нимо-дано Аман, Амадафлэн пиез, Вугей пи, бергаз, со эксэй юртысь кык евнухъёс понна Мардохейлы но, солэн калыкезлы но урод уж лэсьтыны тыршиз.] | |
| 1Ваньмыз та Артаксеркс дыръя вал, – та Артаксеркс кузёяськиз сю кызь сизьым улосвылъёсын, Индиысен кутскыса Эфиопияозь, – | 1И было во дни Артаксеркса, –этот Артаксеркс царствовал над ста двадцатью семью областями от Индии и до Ефиопии, – |
| 2Артаксеркс эксэй Сузы шоркарысь эксэй пуконын пукыкуз, | 2в то время, как царь Артаксеркс сел на царский престол свой, что в Сузах, городе престольном, |
| 3куинетӥ арзэ кивалтон вакытаз, со юондыр ортчытӥз, – вань кузёйыръёссэ, бордаз ужась-тыршисьёссэ люказ, Персиялэн, Мидиялэн армиенызы кивалтӥсь йыръёсты, аслаз улосвылъёсыныз кивалтӥсьёссэ ӧтчаз, | 3в третий год своего царствования он сделал пир для всех князей своих и для служащих при нем, для главных начальников войска Персидского и Мидийского и для правителей областей своих, |
| 4аслаз эксэйлыкысьтыз туж трос узырлык люкаськемез возьматъяз, аслэсьтыз мальдытӥсь быдӟымлыксэ трос нуналъёс – сю тямыстон нуналъёс ӵоже – возьматъяса улӥз. | 4показывая великое богатство царства своего и отличный блеск величия своего в течение многих дней, ста восьмидесяти дней. |
| 5Та нуналъёс йылпумъяськем бере Сузы шоркарын улӥсь калыкезлы – бадӟымезлы но, покчиезлы но – эксэй юртлэн садо азбараз эксэй сизьым нунал ӵоже юондыр ортчытӥз. | 5По окончании сих дней, сделал царь для народа своего, находившегося в престольном городе Сузах, от большого до малого, пир семидневный на садовом дворе дома царского. |
| 6Нап-горд буёло етӥн шортлэсь пунэм гозыосын-калъёсын азвесь кульчоос борды тӧдьы, чагыр буёло ыжгон катанчиос юнматэмын вал. Соос мрамор излэсь пуктэм юбоос йылын ошиськыса улӥзы. | 6Белые, бумажные и яхонтового цвета шерстяные ткани, прикрепленные виссонными и пурпуровыми шнурами, висели на серебряных кольцах и мраморных столбах. |
| 7Зарнилэсь, азвесьлэсь лэсьтэм кыллён интыос вожпыръем изъёсын, мраморен, перламутрен, сьӧдпыръем изъёсын вӧлдэм выж вылын сылӥзы. | 7Золотые и серебряные ложа были на помосте, устланном камнями зеленого цвета и мрамором, и перламутром, и камнями черного цвета. |
| 8Юонъёсты зарни сосудысь, [куамын сюрс талант сылӥсь] пӧртэм пумо сосудъёсысь лэзьяллязы; эксэй туж узыр вал, солэн винаосыз но туж трос вал. Йӧно кариськыса юизы, нокин но кужмысь ӧз косылы, малы ке шуоно эксэй ас юртаз улӥсь вань кивалтӥсьёслы косон сётӥз, ваньмызлы эрик сётэмын мед луоз шуыса. | 8Напитки подаваемы были в золотых сосудах и сосудах разнообразных, ценою в тридцать тысяч талантов; и вина царского было множество, по богатству царя. Питье шло чинно, никто не принуждал, потому что царь дал такое приказание всем управляющим в доме его, чтобы делали по воле каждого. |
| 9Эксэй кышно Астинь но Артаксеркс эксэйлэн юртаз кышномуртъёслы юондыр ортчытӥз. | 9И царица Астинь сделала также пир для женщин в царском доме царя Артаксеркса. |
| 10Сизьыметӥ нуналаз, вина юыса эксэйлэн сюлмыз шулдыр луэм бере, со Мегуманлы, Бизфалы, Харбоналы, Бигфалы, Авагфалы, Зефарлы, Каркаслы – Артаксеркс эксэй дорын ужаса-тыршыса улӥсь сизьым евнухъёслы – косон сётӥз: | 10В седьмой день, когда развеселилось сердце царя от вина, он сказал Мегуману, Бизфе, Харбоне, Бигфе и Авагфе, Зефару и Каркасу–семи евнухам, служившим пред лицем царя Артаксеркса, |
| 11Астинь эксэй кышноез, йыраз эксэй изьы поныса, эксэй азе калыкъёслы, кивалтӥсьёслы солэсь чеберлыксэ возьматыны мед, пе, ваёзы, уго со туж чебер вал. | 11чтобы они привели царицу Астинь пред лице царя в венце царском для того, чтобы показать народам и князьям красоту ее; потому что она была очень красива. |
| 12Нош Астинь эксэй кышнолэн лыктэмез ӧз поты, эксэйлэсь евнухъёс пыр верам кылзэ санэ понэмез ӧз поты. | 12Но царица Астинь не захотела прийти по приказанию царя, объявленному чрез евнухов. |
| 13Эксэйлэн туж йырыз кур луиз, вожпотон пушказ ӝуатскиз. Валляна аръёсты тодӥсь визьнодчиослы эксэй вераз, – уго эксэйлэн ужъёсыз вань законэз но правоез тодӥсьёс азьын лэсьтӥськизы, – | 13И разгневался царь сильно, и ярость его загорелась в нем. И сказал царь мудрецам, знающим прежние времена–ибо дела царя делались пред всеми знающими закон и права, – |
| 14со виын солэн матысь муртъёсыз вал: Каршена, Шефар, Адмафа, Фарсис, Мерес, Марсена, Мемухан – Персияысь, Мидияысь сизьым кивалтӥсьёс, соослы, эксэй азе капчиен пырыны быгатӥсьёслы, та эксэйлыкын нырысетӥ радъёсын пукылӥсьёслы, эксэй вераз: | 14приближенными же к нему тогда были: Каршена, Шефар, Адмафа, Фарсис, Мерес, Марсена, Мемухан–семь князей Персидских и Мидийских, которые могли видеть лице царя и сидели первыми в царстве: |
| 15«Законъя мар кароно эксэйлэн Астинь кышноеныз Артаксеркс эксэйлэсь евнухъёс пыр верам кылзэ санэ понымтэез понна?» | 15как поступить по закону с царицею Астинь за то, что она не сделала по слову царя Артаксеркса, объявленному чрез евнухов? |
| 16Эксэй азьын, кивалтӥсьёс азьын Мемухан шуиз: «Эксэй азьын гинэ Астинь эксэй кышно янгыш ӧвӧл, со янгыш вань кивалтӥсьёс, вань калыкъёс азьын, Артаксеркс эксэйлэн вань улосвылъёсаз улӥсьёс азьын; | 16И сказал Мемухан пред лицем царя и князей: не пред царем одним виновна царица Астинь, а пред всеми князьями и пред всеми народами, которые по всем областям царя Артаксеркса; |
| 17малы ке шуоно эксэй кышнолэн та ужез вань кышномуртъёс доры вуоз, соку соос кузпалъёссэс санэ понэмысь дугдозы но шуозы: ”Артаксеркс эксэй ас кышнозэ Астинез ас азяз вуттыны косӥз, нош со ӧз мыны”. | 17потому что поступок царицы дойдет до всех жен, и они будут пренебрегать мужьями своими и говорить: царь Артаксеркс велел привести царицу Астинь пред лице свое, а она не пошла. |
| 18Табере Персияысь, Мидияысь кивалтӥсьёслэн кышнооссы эксэй кышнолэн та ужез сярысь кылозы но эксэйлэн вань кивалтӥсьёсызлы тазьы ик вераны кутскозы; кылзӥськытэк улонъёс, ӝоже усёнъёс трос луозы. | 18Теперь княгини Персидские и Мидийские, которые услышат о поступке царицы, будут то же говорить всем князьям царя; и пренебрежения и огорчения будет довольно. |
| 19Эксэйлы ярамон ке, со эксэй пуктон-косонзэ мед гожтоз но сое Персия, Мидия кунъёслэн законъёсазы мед пыртозы, азьланяз со пуктон-косон медаз ни воштӥськылы, Астинь Артаксеркс эксэйлэн азяз уз ни пота шуыса, нош солэсь эксэй кышно луон данлыксэ эксэй мукетызлы, солэсь умойгес луисезлы сётоз. | 19Если благоугодно царю, пусть выйдет от него царское постановление и впишется в законы Персидские и Мидийские и не отменяется, о том, что Астинь не будет входить пред лице царя Артаксеркса, а царское достоинство ее царь передаст другой, которая лучше ее. |
| 20Эксэйлэн та пуктон-косонэз потыса, солэн туж бадӟым, быдэс куназ вӧлмем бере вань кышномуртъёс асьсэлэсь картъёссэс, – узыресь-а вал соос, куанересь-а вал соос, – сӥлы карыса улыны кутскозы». | 20Когда услышат о сем постановлении царя, которое разойдется по всему царству его, как оно ни велико, тогда все жены будут почитать мужей своих, от большого до малого. |
| 21Та кылъёс эксэйлы но, кивалтӥсьёслы но яразы; Мемуханлэсь верам кылзэ санэ поныса, эксэй та ужзэ лэсьтӥз. | 21И угодно было слово сие в глазах царя и князей; и сделал царь по слову Мемухана. |
| 22Эксэй вань улосвылъёсаз та гожтэтэз келяз, котькудӥзлэн аслаз алфавитэныз, котькуд калыклэн ас кылаз берыктыса гожтэт гожъязы, отын верамын: котькудӥз но воргорон аслаз кышноезлы, семьяезлы кузё мед луоз, та сярысь котькуд адямилы анай кылыныз ялоно. | 22И послал во все области царя письма, писанные в каждую область письменами ее и к каждому народу на языке его, чтобы всякий муж был господином в доме своем, и чтобы это было объявлено каждому на природном языке его. |
Глава 1