Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
125-тӥ ПСАЛОМ
Вылӥе тубыку кырӟан.
1Кузё-Инмар Сӥонлэсь пленэ сюремъёссэ берыктыку,
ми уйвӧтын кадь вал.
2Соку ымъёсмы шулдыръяськонэн-серекъянэн тырмемын вал,
нош кылмы кырӟан гуръёс кисьтыса улӥз.
Соку калыкъёс куспын вераськылӥзы:
«Соослы Кузё-Инмар быдӟым уж лэсьтӥз!»
3Милемлы Кузё-Инмар быдӟым уж лэсьтӥз: ми шумпотыса улӥмы.
4Кузё-Инмаре, лымшорысь ву ӧръёсыз кадь
берыкты милесьтым пленэ сюремъёсмес.
5Синвуэн кизисьёс шумпотыса аралозы.
6Бӧрдыса кидыссэ нуись,
культооссэ вайыкуз, шумпотыса берытскоз.
Глава 125
