Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
129-тӥ ПСАЛОМ
Вылӥе тубыку кырӟан.
1Курадӟон интылэн пыдсысеныз мон Тыныд вазиськи, Кузё-Инмаре.
2Кузё-Инмаре! Мынэсьтым куараме кыл.
Вӧсяськем куараме кылыны пельёстэ сак кар.
3Кузё-Инмаре, законлы пумит улэмъёсмес тодад возид ке, –
Кузё-Инмаре! Кин пумозяз чидалоз?
4Тон дорын, Кузё-Инмаре, сьӧлыкез куштон инты,
Тынэсьтыд кышканэн, Тонэ гажаса ми мед уломы.
5Кузё-Инмарлы оскиськисько, лулы оскиське;
Солэн кылызлы оскиськыса улӥсько.
6Возьмаськисьёслэн ӵукнаез витемзы сярысь,
возьмаськисьёслэн ӵукнаез витемзы сярысь,
лулы Кузё-Инмарез золгес вите.
7Израиль Кузё-Инмарлы мед оскиськоз,
уго Кузё-Инмар дорын гажан-жалян,
мозмытскон но быдэсак Со киын.
8Израилез законлы пумит вань ужъёсызлэсь Со мозмытоз.
Глава 129
