Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
147-тӥ ПСАЛОМ
[Аллилуия.]
1Кузё-Инмарез ушъя, Иерусалим; аслэсьтыд Инмардэ ушъя, Сӥон.
2Со уго капкаосыдлэсь ворсэтсэс юнматэ,
дорысьтыд нылпиостэ бакель каре;
3улоно музъем вылад тупаса улон вае,
чабейлэн кӧй-вӧйыныз кӧттэ тыре.
4Аслэсьтыз кылзэ музъем вылэ ыстэ; ӝог бызе Солэн кылыз.
5Ыжгон кадь лымы сётэ, пень кадь пужмер кисьтэ.
6Комокен куя йӧзорзэ, Солэн кезьытэзлы кин чидалоз?
7Аслэсьтыз кылзэ вералоз но – ваньмыз шуналоз,
тӧлэныз пельтоз но – вуос бызёзы.
8Аслэсьтыз кылзэ Иаковлы ивортӥз,
косонъёссэ, законъёссэ Израильлы усьтӥз.
9Нокыӵе но мукет калыкъёслы тае Со ӧз усьты,
Солэсь законъёссэ соос уг тодо.
Аллилуия.
Глава 147
