Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
94-тӥ ПСАЛОМ
[Давидлэн ушъян кырӟанэз.]
1Лыктэлэ, Кузё-Инмарлы данъян гуръёс кырӟаломе,
[Инмарлы,] оскиськымон Утисьмылы, вазиськоме.
2Тау карон кылъёсын Солэн азяз султоме,
кырӟанъёсын данъяса, Солы вазиськоме.
3Кузё-Инмар – со быдӟым Инмар,
быдэс музъем выллы – быдӟым Эксэй.
4Солэн киулаз музъемлэн мурдалаосыз,
гурезьёслэн йылъёссы но Солэн киулаз ик.
5Солэн киулаз зарезь, Со кылдытӥз сое,
музъемез но Солэн киосыз кылдытӥзы.
6Лыктэлэ, сӥлы карыса йыбырттоме,
Кузё-Инмарлэн, Кылдытӥсьмылэн, азяз пыдесъяськоме.
7Со – асьмелэн Инмармы, нош асьмеос –
Солэн уллёысьтыз калык, киулысьтыз ыжъёс.
Э, туннэ нуналын Солэсь куаразэ кылзӥськысалды ке:
8Мериваын кадь,
кыр дуннеын визь сынаськон нуналэ кадь
эн чурытомытэ асьтэлэсь сюлэмдэс.
9Отысен тӥляд атайёсты Мынэсьтым визьме сыназы,
Монэ эскеризы-чаклазы, Мынэсьтым ужъёсме адӟемзы ке но вал.
10Ньыльдон ар ӵоже та выжылы Мон вожме поттыса улӥ но шуи:
«Та калык сюлмыныз йыромемын,
соос Мынэсьтым сюресъёсме ӧз тодэ-валалэ.
11Соин ик вожпотон дыръям Мон кыл сётӥ:
каньылэн улон интыям соос уз пыре».
Глава 94
