Выбрать язык
Книги Ветхого Завета
Книги Нового Завета
с русским текстом1Израиль тӧроос пӧлысь кӧня ке но мурт, мон доры лыктыса, мынам азям пуксизы.
2Кузё-Инмар дорысь мыным верамын вал:
3«Адямилэн пиез! Та адямиос сульдэръёссэс сюлмазы пыртӥзы, соосты асьсэдыз сьӧлыклэсь кышкатэк улонэ вуттӥсь визь тугаськонэз асьсэлэн син азязы пуктӥзы: быгатӥсько-а Мон соослы ответ сётыны?4Соин ик соосын вераськы но соослы шу: ”Тазьы шуэ Инмар Кузё-Инмар: израиль калык пӧлысь кин ке но сульдэръёсты сюлмаз пыртӥз ке, сьӧлыклэсь кышкатэк улонэ вуттӥсь визь тугаськонэз аслаз син азяз пуктӥз но пророк доры лыктӥз ке, соку Мон – Кузё-Инмар – солэн тросаз сульдэръёсыз вань дыръя быгатӥсько-а солы ответ сётыны?5Израиль калык сюлмыныз мед шӧдоз, кызьы ваньзы соос сульдэръёсынызы сэрен Мыным синазькылесь луизы”.
6Соин ик израиль калыклы шу: ”Тазьы шуэ Инмар Кузё-Инмар: берытске, сульдэръёстылэсь палэнске, вань юрӟым макеостылэсь куштӥське.7Уго кин ке израиль калык пӧлысь яке израиль калык пӧлы улыны лыктэмъёс пӧлысь Мон бордысь куштӥськиз но сульдэръёссэ сюлэмаз пыртӥз ке, ассэ сьӧлыклэсь кышкатэк улонэ вуттӥсь визь тугаськонэз син азяз пуктӥз но пророк доры со пыр Мынэсьтым визь-кенеш юаны лыктӥз ке, соку Мон, Кузё-Инмар, солы ответ сёто-а?8Мон Аслэсьтым ымнырме со адямилы пумит берыкто но сое паймымон тодметлы, мадёнлы, пӧрмыто, Аслам калыке пӧлысь сое быдто, соку тӥ тододы, Мон – Кузё-Инмар.
9Нош пророк ассэ визь туганы сётӥз но вераз ке озьы, Мон, Кузё-Инмар, со пророкез, пе, дышетӥськем, соку Мон со вылэ киме ӝуто но Аслам израиль калыке пӧлысь сое быдто.10Законлы пумит улэмзы понна вӧсь каремын луозы: визь-кенеш юасьлэн кыӵе янгышез, сыӵе ик пророклэн но янгышез,11азьланяз израиль калык Мынэсьтым медаз палэнскылы ни, законлы пумит олокыӵе но ужъёсынызы асьсэды медаз ни сапталэ, Мынам калыке мед луозы, Мон соослэн Инмарзы мед луом, – шуэ Инмар Кузё-Инмар”».
12Кузё-Инмар дорысь мыным верамын вал:13«Адямилэн пиез! Кескич сямен Мон бордысь куштӥськыса, кыӵе ке музъем Мон азьын сьӧлыкасал ке, Мон Аслэсьтым киме со вылэ ӝутысал но со пушкысь нянь люкылон инъетэз куашкатысал, сютэм улон со вылэ лэзьысал, отысь калыкез, пудоез быдтыны кутскысал,14отысь та куинь воргоронъёс – Ной, Даниил, Иов – шедьысалзы ке, соос асьсэлэн шонер улэменызы асьсэлэсь гинэ лулзэс утьысалзы, – шуэ Инмар Кузё-Инмар.15Яке та музъем вылэ лекесь пӧйшуръёсты отысь улӥсьёсты быдтыны Мон ыстысал ке, пӧйшуръёсын сэрен со тырттэм луоз, со пыр мынӥсь-ветлӥсь уз луы,16со пушкысь та куинь воргоронъёс, – улӥсько Мон! – шуэ Инмар Кузё-Инмар, – пиоссэс но, нылъёссэс но утьыны ӧй быгатысалзы соос, асьсэос гинэ утиськысалзы, нош улоно музъемзы кыр дуннелы пӧрмысал.17Яке, Мон со музъем вылэ меч лэзьысал но шуысал ке: ”Меч, музъем вылтӥ ортчы!” Со вылысь адямиосты, пудоосты быдтыны ке кутскысал,18соку со пушкысь та куинь воргоронъёс, – улӥсько Мон! – шуэ Инмар Кузё-Инмар, – пиоссэс но, нылъёссэс но утьыны ӧй быгатысалзы, асьсэос гинэ утиськысалзы.19Яке, со музъем вылысь адямиосты, пудоосты быдтыны со музъем вылэ Мон сьӧдчер лэзьысал ке, со вылэ йыркуре ӝуатскыку, вир кисьтыны лэзьысал ке,20соку со пушкысь Ной, Даниил но Иов, – улӥсько Мон! – шуэ Инмар Кузё-Инмар, – пиоссэс но, нылъёссэс но утьыны ӧй быгатысалзы; шонер улэменызы соос асьсэлэсь гинэ лулзэс утьысалзы.
21Уго тазьы шуэ Инмар Кузё-Инмар: Аслэсьтым ньыль туж секытэсь вӧсь каронъёсме – мечез, сютэм улонэз, лек пӧйшуръёсты, сьӧдчерез – Иерусалим вылэ отысь адямиосты, пудоосты быдтыны вылысь лэзи ке,22соку но отчы оглюкетэз улэп кылёз, пиос но нылъёс отысь поттэмын луозы; тани, соос тӥ доры потозы, тӥ, соослэсь выросъёссэс, ужъёссэс адӟыса, Мынам Иерусалим вылэ лэзем шугадӟонэ пумысен, со вылэ лэзем вань вӧсь каронъёсы пумысен буйгалоды:23Соослэсь выросъёссэс, ужъёссэс адӟиды ке, тӥ буйгатскоды; со пушкын мае лэсьтӥ, ваньзэ сое Мон юнме ӧй лэсьты шуыса, тӥ тододы», – шуэ Инмар Кузё-Инмар.
Глава 14