Выбрать язык
Книги Ветхого Завета
Книги Нового Завета
с русским текстом1Монэн вераськись Кылчин берен лыктӥз но изись муртэ кадь монэ сайкатӥз.2Со мыным шуиз: «Мар тон адӟиськод?» Ответ сётыса, мон шуи: «Быдэсак зарнилэсь лэсьтэм лампада пуктонэз адӟисько, солэн вылаз вӧй возён чаша, лампада пуктон вылын сизьым лампада, лампадаослэн вылӥязы лампадалы быдэ сизьым гумыосыз;3со вӧзын кык вӧйпуос, огез вӧй возён чашалэн бурпалаз, мукетыз паллян палаз».4Ответ сётыса, монэн вераськись Кылчинлы мон шуи: «Кузёе, мар та таӵе?»5Монэн вераськись Кылчин, ответ сётыса, мыным шуиз: «Тон уд тодӥськы-а, мар та?» Мон шуи: «Уг тодӥськы, кузёе, мар та».6Соку со, ответ сётыса, мыным тазьы шуиз:
«Та Кузё-Инмарлэн Зоровавельлы верам кылыз,
кудӥз возьматэ тазьы шуэмез:
ожгарчиосын ӧвӧл, кужымен ӧвӧл, но Мынам Духеным, –
шуэ Саваоф Кузё-Инмар.
7Кин тон, Зоровавель азьысь быдӟым гурезь?
Тон ӵошкыт инты луод, корка сэреглэн вылӥяз изэз поноз но,
соос бадӟым куараен шумпотыса кесяськозы:
”Дэлет, дэлет со вылын!”»
8Кузё-Инмар дорысь мыным верамын вал:
9«Зоровавель ас киыныз та юртлэсь инъетсэ пуктӥз;
солэн ик киосыз сое пумозяз вуттозы,
соку тодод, монэ тӥ доры Саваоф Кузё-Инмар ыстӥз шуыса.
10Уго кин та нуналэз сӥё-дано луисьтэм шуыса лыдъяны быгатэ,
куке шумпотыса учко Зоровавельлэн киысьтыз
лэсьтӥськисьёслэн мертаськон гозызы шоры со сизьымъёс, –
со быдэс музъем вылэз пыр адӟись Кузё-Инмарлэн синъёсыз?»
11Соку мон солы шуи: «Мае возьмато лампада пуктонлэн бурпалысьтыз но, паллян палысьтыз но кык вӧйпуос?»12Эшшо кыкетӥ ползэ вераса, мон солы шуи: «Мае возьмато кык зарни гумы пыр потыса, бордысьтыз зарни (вӧй) кисьтӥсь кык вӧйпу вайёс?»13Со мыным шуиз: «Тон уд тодӥськы, мар со?» Мон шуи: «Уг тодӥськы, кузёе».14Со шуиз: «Со быдэс музъемлэн Кузё-Инмарез азьын сылӥсь вӧйын зырӟем кык муртъёс».
Глава 4