Библия
Выбрать язык
Книги Ветхого Завета
Книги Нового Завета
с русским текстом
PSALMOIDEN KIRJ
3 Psalm
1Davidan psalm, konz hän pageni Avessalomaspäi, ičeze poigaspäi.2Sur’ Sünduižem! Kutak ližazihe minun vihanikoiden kogo!
Äjad libuba mindai vaste,
3äjad sanuba: «Jumal ei päzuta händast».
4A sinä, Sur’ Sünduižem, oled minun rindraud i korgenzoituz’.
Sinä andad kantta minei ičtain ülemba.
5Minä kucun Ižandad abuhu,
i hän andab vastust minei ičeze pühäl mägelpäi.
6Minä veren sijale, magadan i nouzen,
ved’ Ižand kaičeb mindai.
7En varaida, hot’ vihanikad libuba
kaikiš polišpäi mindai vaste.
8Sur’ Sünduižem, libu abuhu!
Minun Jumal, päzuta mindai!
Sinä löd kaikid minun vihanikoid modpoliškoho,
katkaidad jumalatomiden hambhad.
9Vaiše Ižandaspäi tuleb päzutand,
sinuspäi om blaslovind sinun rahvahale.
Глава 3
