1Horan ohjandajale. Vätas gefalaižel vändimel. Davidan psalm. 2Sur’ Sünduižem, meiden Jumal! Mitte sur’ om sinun nimi kaikjal mal! Sinun hoštotez om libunu korktemba taivhid. 3Vagahaižiden da peniden lapsiden kidaspäi sinä tegid ičeleiž kitändan vihanikoid vaste, miše saubata sud sinun vihanikoile da aznoičijoile.
4Konz minä kacun sinun taivhaze sinun kädel tehtud, kudmaižehe da tähthiže, miččid sinä panid sijale, 5ka midäk sid’ om mez’? No sinä muštad händast. Mi om mehen poig? No sinä tuled hänennoks. 6Ed sinä äjal alendand händast angeloiden keskes, andoid hänele korktan eloarvon da hoštotesen. 7Sinä panid händast ižandaks sinun käzitegoiden päl, panid kaiken hänen jaugoiden alle: 8kaik lambhad, härgad i pöudživatad, 9taivhan lindud dai meren kalad, kaik, mi ujub meres.
10Sur’ Sünduižem, meiden Jumal! Sur’ om sinun nimi kaikjal mirus!
с русским текстом