Your word is a lamp to my feet

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

PSALMOIDEN KIRJ

115 Psalm

Alliluija!
1Minä uskoin, sikš sanuin-ki:
«Minä olin suriš mokiš».
2Oldes gor’as minä sanuin:
«Kaikutte mez’ om kelastelii».
3Mil maksan Ižandale kaikes hüväs,
midä hän om tehnu minei?
4Minä otan päzutandmal’l’an
da kucun abuhu Ižandan nimed.
5Min toivotin Ižandale, sen kaiken tegen
hänen rahvahan edes.

6Kalliž om Ižandan sil’miš
hänen pühiden kolend.

7Sur’ Sünduižem, kule mindai, sinun käskabunikad!
Sinun käskabunik minä olen,
sinun käskabuniknaižen poig,
sinä katkaižid minun čapid.
8Ižand, minä ton sinei kitändžertvan,
kucun abuhu sinun nimed.
9Min olen toivotanu Ižandale, sen kaiken tegen
hänen rahvahan edes,
10Ižandan pühäkodin ezitanhas, sinun keskel, Jerusalim!
Alliluija!

предыдущая глава Глава 115 следующая глава