Библия
Выбрать язык
Книги Ветхого Завета
Книги Нового Завета
с русским текстом
PSALMOIDEN KIRJ
120 Psalm
Matkpajo.1Minä libutan sil’mäd taivhazepäi,
sigäpäi tuleb minun abu.
2Minun abu tuleb Ižandaspäi,
hänespäi, ken om tehnu taivhan i man.
3Hän ei anda sinun jaugale säraita,
sinun kaičii ei nukku.
4Izrail’an kaičii ei nukku
da ei magada.
5Ižand om sinun kaičii,
Ižand tegeb pil’vest sinun oiktale polele.
6Päiväine ei tege sinei nimittušt pahad päiväl,
kut i kudmaine-ki öl.
7Ižand kaičeb sindai kaikuččes pahaspäi.
Ižand kaičeb sinun henged.
8Ižand kaičeškab
sinun lähtendad da sinun tulendad
nügüd’ i igäks kaikeks.
Глава 120
