Библия
Выбрать язык
Книги Ветхого Завета
Книги Нового Завета
с русским текстом
PSALMOIDEN KIRJ
41 Psalm
1Horan ohjandajale. Korejan poigiden openduz.2Kut pedr vezinäl’gäs ecib veden purtkid,
ka muga minun heng ecib sindai, minun Jumal!
3Minun heng himoičeb eläbad i vahvad Jumalad.
Konzak minä voin tulda hänennoks,
ozutadas hänen sil’miden edehe?
4Kündled oma minei leibän öd i päiväd,
konz joga päivän minai küzutas:
«Kus sinun Jumal om?»
5Tuskas minä muštelen,
kut astuin praznikrahvazkogos pühäkodihe
ihastuz änes da kitänd huliš.
6Mikš oled pahas meles i holiš, minun südäin?
Vauvata Jumalaha: minä kitäškan völ händast,
ičein Päzutajad, minun Jumalad.
7Olen pahoiš meliš,
sikš johtutan sindai
Jordanan mal, Jermonal da Coarmägel.
8Süvüz’ kucub süvüt sinun koskiden jurul,
kaik sinun veded da lainhed mäneba minus üliči.
9Päiväl Ižand ozutab ičeze armoid,
öl libub minun ülenzoituzpajo hänele,
loičend minun elon Jumalale.
10Sanun Jumalale, minun polestajale:
«Mikš unohtid mindai?
Mikš kävelen tuskas
minun vihanikoiden lajindan tagut?»
11Tusk katkaidab minun luid,
konz minun vihanikad glumiše minun päl
sanudes joga päivän:
«Kus om sinun Jumal?»
12Mikš oled pahas meles i holiš, minun südäin?
Vauvata Jumalaha: minä kitäškan völ händast,
ičein Päzutajad, minun Jumalad.
Глава 41
