Выбрать язык
Книги Ветхого Завета
Книги Нового Завета
с русским текстом1žand käski surt kalad laindmaha Jonan. I Jona oli kalan vacas koume päiväd i koume öd.2Loiči Jona Ižandale, ičeze Jumalale, kalan vacas 3i sanui:
«Minä kärauzimoi Ižandaha minun gor’as,
i hän kulišti mindai;
surman valdkundan südäimespäi minä pakiten pakičin abud,
i sinä kulištid minun änen.
4Sinä tacid mindai süvüdehe,
meren südäimehe,
i kaik vezivalud ümbärziba mindai,
i kaik sinun lainhed, i kaik sinun aldod
oliba minun päl.
5Minä pidin meles: Olen kükstud sinun sil’mišpäi.
No minä nägištan völ sinun pühäd kodid.
6Veded ümbärziba mindai eskai henghesai,
süvüz’ ümbärzi mindai,
meriheinäd sebaziba minun päd.
7Minä pästimoi alahaks
mägiden alandusihesai,
man tuged saupsihe minun päl igäks.
No sinä, Sur’ Sünduižem, minun Ižand, otad minun hengen ülähäks aduspäi.
8Konz minun heng lujas väzui minus,
minä johtutin Ižandad, i minun loičend tuli sinunnoks, sinun pühäze kodihe.
9Ned, ked loičeba värile jumaloile,
jätiba ičeze armahtajan.10A minä ičeiž kitändänel ton sinei lahjžertvan.
Midä olen toivotanu, sen minä täutan.
Ižandal om päzutand».
11Sid’ Ižand käski kalad, i se oksenzi Jonan kuivale male.
Глава 2