Выбрать язык
Выбрать рассказ Ветхого Завета
Выбрать рассказ Нового Завета
Сэк Ен висьталöм: «Аркмöтам Миян кодь отирöс. Ась нiя видзöны ас кипод увтын ваись чери, енöжись кайпöтка, му вылiсь быдкодь пода».
Сiдз Ен аркмöтöм Аскодь отирöс: айкаöс*а да инькаöс.
Бур кылöн Ен висьталöм нылö: «Паськалö-йылö, тыртö мусö, видзö ас кипод увтын мусö, ваись черисö, енöжись кайпöткасö, му вылiсь быдкодь подасö. Ме сетi тiянлö быдкодь сюэз, пуэз. Нылöн сютуссес, ны вылын воöмыс – тiянлö сёян. Быдöс мувывся подаыс, енöжись кай-пöткаыс, кынöмнысö кыскалiсь быдпöлöс виклясись-котрасисьыс пондасö сёйны быдмассэсö». Сiдз тай лоöм.
Ен видзöтöм Ассис аркмöтöмсö, казялöм: быдöс тай пö öддьöн бур.
Вöлöм рыт, сыбöрын вöлöм асыв. Сiя вöлöм кватьöт лун. Сiдз аркмöм му енöжöн. Сiдз аркмöм берсяыс ны вылын. Ен керыштöм ассис уджсö. Сизимöт лунас Сiя шоччисьöм.
Айкалö Сiя сетöм Адам ним, инькалö – Ева. Ен аркмöтöм бытшöм, шуда отирöс. Нiя пондӧмась радейтны ассиныс Аркмöтiсьнысö да öтамöднысö.
Сiя сетöм нылö Аслас киöн керöмсö, тшöктöм видзöтны быдöс сьöрын. Адамыслö Еваыскöт бур кыв висьталöмöн Ен пуктас Едем муын басöк пуйöр*б. Кольöм сэтчö Ас киöн аркмöтöм отирсö. Сiя тшöктас нiйö видзöтны пуйöрыс сьöрын.
*а айка – мужчина
*б пуйöр – сад
8 