Выбрать язык
Выбрать рассказ Ветхого Завета
Выбрать рассказ Нового Завета
Сё витдас лун бöртi ваыс дугдöм ыждыны. Сiя жаг выв пондöм чинны. Нойлöн пыжыс сувтчöм Арарат керöс вылын. Нёльдас лун бöртi Нойыс осьтас пыжсис öшын. Сiя лэдзас ракаöс, мöдöм тöдны: мунiс я ваыс. Ракаыс лэбалöв-керöм, бертöм бöр.
Сыбöрын Ной лэдзлас дудiöс. Мöдпырись лэбалöм бöрсянь рытнас дудiыс бертас. Нырас сiя видзöм том олив ув. Сiдз Ной тöдас валöн мунöм йылiсь.
Видзчисьöв-керöм Нойыс. Сизим лун бöртi бöра лэдзас дудiсö. Дудiыс сэсся абу ни бертöм сы дынö. Ной сэк осьтас пыж вевдöрсö. Сiя казялöм: муыс косьмöм. Ен тшöктас петны Нойлö иньнас, зоннэслö иннезнаныс. Тшöктас петкöтны пыжсис вöрподасö, кай-пöткасö, ась пö йылöны.
Петас Ной аслас увтырöн пыжсис. Сэтöн и вöрпи-подаыс, кай-пöткаыс паськалöм му пасьтас.
Ен бур кылöн висьталöм Нойлö зоннэскöт: «Ме кера тiянкöт, тiян увтыркöт Ассим йитöт*а. Одзлань муыс ваас оз ни вöть. Му вылас быд ловьялöн васяняс оланныс оз ор. Ме пукта кымöрас Ассим енöшкаöс*б. Сiя пондас мыччавны Менчим мукöт йитöтсö. Ме иньдöта кымöрсö му вылö, сысянь мыччисяс енöшка. Сэк Ме уськöта тöдвылам Ассим быдöс ловьякöт пырся йитöт. Енöшкаыс – йитöтлöн пас*в».
Лоöм 8:1-22, 9:1-17
*а йитöт – союз, завет
*б енöшка – радуга
*в пас – знак
16 