Выбрать язык
Выбрать рассказ Ветхого Завета
Выбрать рассказ Нового Завета
Рувим нима медыджыт вонныс вöлöм мöддэсся рамжык сьöлöма. Сiя кылас воннэслiсь Öсип йылiсь лёка сёрнитчöмсö, мöдöм мездыны учöтжык вонсö, лэдзны бöр айыс дынö гортас. Рувимыс пондас корны воннэсö: «Эдö вийö Öсипсö, чапкö нö пыдын кырасö». Воннэс Рувимлiсь кывзiсясö. Öсип сибöтчöм ны дынö. Мöддэс чöвтасö сы вылiсь басöк рöма паськöмсö, асьсö чапкасö пыдын кырасö.
Сэтöн нiя казяласö вузасись-небсись йöзöс. Нiя мунöны пö Египетö вузасьны. Иуда нима вонныс висьталас Öсипсö вузавны вузасись-небсись йöзыслö. Мöддэс паныт шы озö сетö. Сiдз нiя вузаласö ассиныс воннысö кыкдас эзысь*а вылö.
Вузасись-небсись йöз нуöтасö Öсипсö Египетö. Воннэс сы коста начкылöмась кöзапиянöс. Сы вирöн мавтасö Öсиплiсь паськöмсö, ваясö сiйö айныслö, висьталасö: «Мийö адзз им паськöм. Видзöт, Ӧсип зонытлöн я сiя?» Яковыс тöдiс Öсипыслiсь паськöмсö. Из пуксис сьöлöмас. Сiя горöтiс: «Сiя менам зонöлöн паськöмыс, лёк вöрпода летiс Öсип зонöс». Уна лун сьöрна Яковыс герьялöм аслас дона зон понда. Сылö юрас оз пыр зоннэслöн бöбöтöмыс.
Еныс эд быдöс адззö, быдöс тöдö. Сысянь оз позь нем сайöвтны. Еныс син одзын вöлi воннэслöн Öсипыс вылö лöгалöмныс. Лöгалöмыс эд вайöтiс нiйö бöбöтöмöдз, умö льöдз.
оöм 37:12-35
*а эзысь – серебро
24 