Выбрать язык
Выбрать рассказ Ветхого Завета
Выбрать рассказ Нового Завета
Чулалас уна кад. Египетiсь йöз пондöмась ёнжыка дзескöтлыны еврейесö. Ен нiйö лöсьöтчöм мездыны ны кипод увтiсь. Сы понда Ен бöрьяс Моисейсö.
Кыдзкö Моисей видз вылын видзöтас баляэз сьöрын. Баляэсö нуöтöм ылöкодь кушмуас*а. Локтас Корив керöс дынö. Сэтöн жельнöг быдмасын мыччисяс сылö Ен андел сотчан биöн. Моисей казялас: биыс кайö, жельнöгыс тай оз сотчы. Моисей ас кежас шуас: «Муна, видзöта сiйö чуймöтанторсö».
Ен казялас Моисейлiсь локтöмсö. Сiя корöм сiйö сотчан быдмасыс колассянь: «Моисей! Моисей! Эн сибöтчы. Пöрччась, муыс кок увтат – вежа*б му. Ме тэнат увтырлöн Ен: Öврамлöн, Исаклöн, Яковлöн». Моисей вевттяс чужöмсö, сiя полöм нёджжöвтны Еныс вылö да. Ен шуас сылö: «Ме адзза Аслам отирлiсь Египетын пессьöмӧн олöмсö, кыла нылiсь дзескöтлiссезсянь горöтлöмнысö. Ме тöда нылiсь гажтöм оланнысö. Муна мездыны египет йöз кипод увтiсь, петкöтны сiя муись бур паськыт муö. Сэтчин ва туйö котöртöны йöв маöн. Сiдз еврейезлöн кытсалöм-кеймöмныс кывсис Ме дынöдз. Ме адзза: лёк уджöн египет йöз сiсьтöны еврейезöс. Сiдзкö, мун, Ме ыста тэнö Египет öксу дынö. Петкöт Менчим Израиль отирöс Египетсис».
Мöдыс öшас моз. Сiя оз пукты асьсö ыджыт мортö, мед керны сэтшöм уджсö. Моисей шуöм Енлö: «Кин ме сэтшöмыс мунны öксуыс дынö да петкöтны еврей отирсö Египетсис?» Ен шуас паныт: «Ме муна тэкöт».
Петöм 3:1-12
*а кушму – пустыня
*б вежа – святой
40 