Выбрать язык
Выбрать рассказ Ветхого Завета
Выбрать рассказ Нового Завета
Одзлань нуöтiсь Моисейкöт еврейез иньдöтчасö туйö. Нiя мунасö кушмуöт Канаан муö. Еврейеслö Ен кöсйöм сiйö мусö.
Моисейыс вöлöм öддьöн рам морт. Енсö сiя пыр кывзiсьöм. Сiйöн Ен сёрнитöм отирыскöт Моисей пыр.
Öтпыр еврейес сувтчасö Синай керöс дынö шоччисьны. Моисей каяс керöсас. Сэтчин Ен сетöм сылö изiсь керöм пöввез. Ны вылын вöлi гижöм дас тшöктöм. Отирлö одзлань овны колöм нiя тшöктöммез сьöртi.
«Ме Дöсвидзись, тэнат Еныт. Ась озö лоö тэнат мöдiк еннэз, дзир ме Еныс.
Некинöс да нем Еныс туйö эн сувтöт. Мый адззан вылын енöжас, мый син одзат му вылас, мый эм ваас – ны вылö вачкисянаэсö эн кер. Эн копрась ны одзын, эн уджав ны вылö.
Енытлiсь нимсö весись эн шувлы. Еныс оз коль мыжйы тöг Сылiсь нимсö весись шувлiсьсö.
Тöд шоччисян лунсö. Ась лоö сiя вежа лунöн. Квать лун уджав, кер ассит быдкодь удж. Сизимöт луныс шоччисян, сiйö лунсö Енлö.
Аймамтö кывзiсь, отсась. Енöн сетöм оланыт му вылас сэк содас.
Эн вий.
Эн пыр гозъя коласö.
Эн гусяв.
Морт йылiсь вöвлытöмсö эн баит.
Эн пукты синтö мöдiк мортлöн керку вылö, сы инь вылö, сы отсасись вылö, отсасисьлöн иньыс вылö, вöв да пороз вылö, мыйкö мöдiк вылö я».
Петöм, 20 тор
46 