Выбрать язык
Выбрать рассказ Ветхого Завета
Выбрать рассказ Нового Завета
Ен ыстас Му вылö Ассис Кристос Исус Зонсö мездыны отирсö умӧльсӧ керӧммезiсь, кулӧмись. Исус чужан лунсянь Му вылас пондöтчöм вöлi виль кад. Нельки миян кад лыддяныс пондöтчö Кристос Исус чужансянь.
Кристос Исуслöн чужаныс чуймöтана. Видзöтö, енöж-му Аркмӧтiсьлӧн Зоныс чужöм пода гидын.
Висьтасям одзсяняс. Учöт Назарет карын, Израиль ойвыв ладорын, олӧм Мари нима вежöра ныв. Мариыс Енсӧ видзӧм аслас сöстöм сьöлöмын. Öтпыр Сы одзö мыччисяс Енсянь ыстöм Гаврил андел. Сiя висьталас: «Бур олан, иньöй, Тэнö Еныс бöрйис! Еныс Тэкöт». Мариыс паймас. Сэк анделыс висьталӧм: «Эн пов, Мари! Быдöс бурыс тэныт Енсянь. Тэ сьöктан. Ваян Зонöс. Нимсö Сылö сетан Исус. Ыджыт Сiя лоас. Сiйö пондасö шуны Медвылiсьыслöн Зон. Еныс Сылö сетас Давидлiсь, Сы айлiсь, юралан вын. Яков увтырлö Сiя öксуыс пырся-пыр кежö. Сылöн веськтöлöмыс чулавтöм».
Мариыс сэк нывкаалас на. Сiйö корасьӧм Öсип нима сӧстӧма олiсь, Енсö кывзiсь морт. Сiйöн Мариыс юалас анделыслiсь: «Ме эд нывка, кыдз сiя лоас?» Анделыс горöтчас сылö паныт: «Вежа*а Лов лэдзчисяс Тэ вылö. Енлöн выныс шебралас Тэнö. Сiйӧн Вежа шогмöмсӧ шуасö Енлöн Зон».
Кагасö видзчисьöм йылiсь Öсипыс тöдмалӧм. Сiя Марисö ас саяс абу мöдӧм босьтны. Сэк Енлöн андел казьмöтчас сылö вöтын: «Давидлöн Öсип зон, эн пов босьтны Марисö ас саят. Сы пытшкын зорамö Вежа Ловсянь кага. Мариыс чужтас зонöс. Тэ сетан Сылö Исус ним, Сiя эд мездас Ассис отирсö умӧль керӧмись».
Лука 1:26-35
*а вежа – святой
64 