Выбрать язык
Выбрать рассказ Ветхого Завета
Выбрать рассказ Нового Завета
Пыртiсь Иван олӧм вӧлi кушмуын, новйӧм верблюд гöнiсь паськöм, йиасьлӧм кучик йиöн. Сiя сёйӧм кöбывкаэз да вöр ма. Еныс ыстас Ивансö юöртны отирыслö Мездöтiсьыс локтöм йылiсь. Сiя ветлöтӧм быд лаöт Иордан ю дорöт, корöм отирсö бергöтчыны Енлань да пыртчыны. Быдсöн Юдей муись да Ерусалим карись отирыс вовлöмась сы дынö висьтасьны ассиныс умöль керöммезнысö. Иваныс пыртöм нiйö Иордан юын.
Отирыс видзчисьöм Мездöтiсьлiсь локтöмсö, унаöн юася сö: «Абу я Иваныс кöсйöм Мездöтiсьыс?» Иваныс шуас паныт: «Умöльсö керöмныт туйись кежöм понда ме пырта тiянöс ваын. Ме бöрын Локтiсьыс месся вынажык. Меным оз туй нельки нуöтны Сылiсь кöмкöтсö. Сiя пондас пыртны тiянöс Вежа Лолöн да биöн». Сiдз Иваныс баитöм Кристос Исус йылiсь.
Исусыс локтöм вöлi Иваныс дынö пыртчыны. Иваныс тöдöм: Исусыслö оз ков Енлань бергöтчыны, пыртчыны греккез лэдзöм понда. Исуссö падмöтöм могись сiя шуас: «Мыйлö Тэ ме дынö локтiн, Тэныт эд колö менö пыртны?» Исусыс сылö паныт висьталöм: «Кер сiдз. Сiдз эд колö миян лö керны Ен тшöктöм сьöртi». Сэк Иваныс пыртöм Сiйö. Пыртчöм бöрас Исусыс петас васис. Енöжыс*а оссяс, Вежа Лов дудi моз лэдзчисьöм Исусыс вылö. Енöжсис кылас гора шы: «Сiя менам Зонö, сьöлöмшöрö, Менам гажö».
Матвей 3:11-17
*а енöж – небо
76 