Выбрать язык
Выбрать рассказ Ветхого Завета
Выбрать рассказ Нового Завета
Öтпыр Исусыс велöтчиссескöт мунас Галилей ты мö дöрö. Отирыс адззыласö вöвлытöмторрез: Исусыс веськöтöм отирöс шогöттэзiсь. Сiйöн уна отир мунас Сы сьöрö.
Исусыс каяс керöсö, пукалас сэтчин аслас велöтчиссескöт. Сiя лэбтас синнэсö, казялас: уна отир локтö Сы дынö. Исус шуас Пилипыслö: «Кытiсь небам няньсö отирсö вердны?» Горöтчас, Ачыс видзöтас Пилипыс вылö, видзчисяс, мый сiя шуас. Ачыс эд тöдöм ни, мый пондас керны. Пилип шуас Исусыслö: «Кыксё динар вылö небöм няньыс быдöнныслö оз тырмы нельки учöт торöн».
Öндрей нима велöтчись висьталас Исусыслö: «Татöн öтiк зонлöн эм идiсь пожалöм вит нянь да кык чери. Сiя эд оз тырмы эта мымда отирлö!» Исусыс шуас: «Тшöктö нiйö пуксьыны». Сэтöн быдмöм сук турун. Отирыс пуксясö турун вылас. Нiя вöлöмась витсюрс мымда.
Исусыс босьтас няннесö, Енлö бур кыв висьталöмöн, сетас няньсö велöтчиссеслö. Велöтчиссес сеталасö сiйö пукалiсь отирлö. Сiдз сеталасö и черисö, кинлö мымда колöм. Сёяннас быдöнныс пöтасö. Сэк Исусыс висьталас Аслас велöтчиссезлö: «Öктö кольччöм торресö, мед нем эз чапкись». Нiя öктасö кольччöм няньторресö даскык пестер.
Иван 6:3-14
92 