Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ЧЕЛЯДЬ, ЭНÖ ВУНÖДÖЙ ЕНМÖС!
Мöисей шуис Израиль войтырлы: «Вöчöй сiдзи, кыдзи тшöктiс тiянлы Господь, тiян Ен. Энö кежöй веськыдвылö ни шуйгавылö, а ветлöй сiйö туйöдыс, кытi тшöктiс ветлыны тiянлы Господь, тiян Ен. Сэки ставыс тiян лоö бур, и понданныд дыр овны сiйö муас, кодöс босьтанныд. Кывзы, Израиль! Господь – миян Енмыс, и Сiйö öти. Радейт ассьыд Господь Ентö став сьöлöмнад, став олöмнад да став выннад».
Мöисей тшöктiс Израиль войтырлы водзö висьтавлыны асланыс ныв-пилы став лоöмторъяс да шензьöданаторъяс йылысь, кодъясöс Ен вöчис Египетын да овтöминын. Сiйö сiдзжö тшöктiс велöдны ныв-писö, медым найö сьöлöмас видзасны Енлысь тшöктöмъяссö да оласны на серти. Мöисей шуис йöзыслы: «Энö вунöдöй Господьöс, кодi петкöдiс тiянöс Египет муысь, кöнi тi вöлiнныд кесйöг туйынöсь. Бурö пуктöй ассьыныд Господь Ентö да кесъялöй сöмын Сылы. Энö юрбитöй мукöд енлы, кодъяслы юрбитö тiян гöгöр олысь войтыр, медым Господь, тiян Енныд, эз дöзмы тiян вылö да эз бырöд тiянöс му вылысь. Зумыда кутчысьöй тшöктöмъясö, кодъясöс сетiс тiянлы Господь, тiян Енныд. Вöчöй сiйö, мый веськыд да бур Господьлöн син водзын».
Мöд Индöд 5:32-6:25
122 
