Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ЕРИКОН КАР БОСЬТÖМ
Кор израильсаяс матыстчисны Ерикон кар дiнö, сэтчöс öксы тшöктiс пöдлавны карсьыс став дзиръясö. Но Ен кöсйысис Навин Исуслы, мый сетас карсö израильсаяс киö. Ен висьталiс Навин Исуслы, мый налы колö вöчны.
Енлöн шуöм серти израильсаяс квайт лун чöж кытшлалiсны Ерикон кар гöгöр. Быд лун öтчыдысь найö кытшовтiсны карсö. Медводзын мунiсны шыпуртаяс, сэсся – попъяс сюръясö тутсöмöн. На бöрся мунiсны Йитöд Кудсö нуысьяс да мукöд шыпуртаяс тшöтш тутсiгтырйи. Войтырыслы Навин Исус водзвыв висьталiс: «Энö горзöй да энö сёрнитöй, весиг öти кыв мед оз пет тiян вомысь. А кор ме тшöкта горöднысö, сэки став вынсьыныд горöдöй».
Сизимöд луннас кар гöгöр кытшовтiсны сизимысь. Сизимöд кытшсö вöчöм бöрын Навин Исус шуис став войтырыслы: «Öнi горöдöй! Господь сетiс тiян киö тайö карсö!» Ставныс гораа горöдiсны, и карлöн стеныс киссис подулöдзыс. Шыпуртаяс пырисны карас да босьтiсны сiйöс.
Раавöс да сылысь рöдвужсö мездiсны, öд сiйö дзеблiс ас ордас израильса кыйöдчысьясöс. Сэсся Ерикон карсö ставнас сотiсны.
Навин Исус 6
132 
