Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ВЫНА САМСОН
Енмыс вöчис уна шензьöданатор, пыр отсалiс да петкöдлiс Ассьыс буралöмсö*а Израиль войтырлы, но найö унаысь бергöдчывлiсны Енсьыс да вöчисны Сылöн кöсйöмлы паныд. Та вöсна налы ковмис нелямын во чöж овны филистимсаяслöн кипод улын. Сэки Ен сетiс Израиль войтырлы Самсон нима ёрдысьöс. Тайö вöлi зэв вына морт, а выныс сылöн вöлi юрсиас. Чужтöдзыс на Ен шуис бать-мамыслы, медым найö оз шырны пиыслысь юрсисö, öд сiйö Енмöн бöрйöм морт, кодi мездас Израиль войтырöс филистимсаясысь.
Самсон збыльысь вöлi зэв вына. Öтчыд сiйö косявлiс паныд локтысь левöс, мöдысь сiйö виис филистимса сюрс шыпурта мортöс. Сiйö кокньыда вермис орйöдлыны кыз гезъяс да чепъяс.
Öтчыд Самсон локтiс Газа карö да кольччис сэтчö. Филистимсаяс тöдмалiсны та йылысь да шуисны вины сiйöс. Найö пöдлалiсны карса дзиръясö да кутiсны кыйöдны сiйöс. Вой шöрнас Самсон садьмис да кöсйис мунны карсьыс. Сiйö локтiс карса дзиръя дорö да аддзис, мый сiйö игана. Сэки сiйö нетшыштiс дзиръясö став куричнас да иганнас, пуктiс пельпом вылас да катöдiс керöсö.
Ёрдысьяслöн небöг 13-16
*а буралöм – милость
140 
