Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
САУЛ – ИЗРАИЛЬЛÖН ÖКСЫ
Самуил лои ыджыд пророкöн. Сiйö дугдывтöг висьтавлiс асласвойтырлы, медым найö эновтчасны идолъясысь да бергöдчасны ловъя Ен дiнö. Кор Самуил пöрысьмис, сiйö индiс ассьыс пиянсö ёрдысьясöн. Но найö эз ветлыны батьыслöн туйöд, босьтiсны козинъяс да эз веськыда мыждыны войтырсö.
Израильса пыдди пуктана пöрысьяс*а локтiсны Самуил дiнö да шуисны: «Тэ пöрысьмин, а тэнад пияныд оз ветлыны тэнад туйöд. Инды миянлы öксыöс, мед сiйö веськöдлас Израильын, мукöд войтырлöн тай нö эмöсь öксыяс». Самуил тöдiс, мый налöн корöмыс эз вöв Енлöн кöсйöм серти. Сiйö кевмысис Енлы, и Ен вочавидзис сылы. Ен шуис: «Вöч налöн корöм серти. Найö оз тэнö öтдортны, а Менö, медым Ме эг вöв налöн öксыöн. Сiйö кадсяньыс, кор Ме петкöдi найöс Египетысь, найö унаысь кежлiсны Меысь да юрбитiсны мукöд енъяслы. Найö öнöдз тадзи вöчöны. Кыдзи найö вöчисны Мекöд, тадзи вöчасны и тэкöд. Кывзы найöс да вöч налöн корöм серти, но висьтав, кыдзи öксыыс кутас ыджыдавны на вылын».
Самуил юöртiс Израиль войтырлы Енлысь шуöмсö, мый öксы босьтас найöс аслас кабыр улö, налы ковмас сьöкыда уджавны да кисьтны уна синва, и Енмыс оз кут кывны найöс. Израиль войтыр эз кывзы Самуилöс да мырдöн корис аслыс öксыöс. Ен мöдöдiс Самуил дiнö Саул нима том мортöс да шуис:
«Тайö сiйö мортыс, код йылысь Ме висьталi тэныд. Сiйö кутас веськöдлыны Менам войтырöн». Самуил босьтiс чöскыд дука вый, кисьтiс Сауллы юр вылас да шуис: «Господь мавтö тэнö Аслас войтырлы ыджыдалысьöн». Тадзи Саул лоис Израильлöн öксыöн.
Öксыяслöн медводдза небöг 8-10
*а пöрысьяс – старейшины
156 
