Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ДАВИД ДА ГОЛИАФ
Филистимсаяс чукöртiсны ассьыныс тышкайöзсö Израиль войтырлы паныд. Израильсаяс Саул öксы юрнуöдöм улын тшöтш лöсьöдчисны тыш кежлö. Израильса тышкайöз пöвстын вöлiны тшöтш Давидлöн вокъясыс. Кад мысти батьыс мöдöдiс Давидöс нуны нянь вокъясыслы да тöдмавны налöн дзоньвидзалун йылысь.
Филистимсаяс пöвстын вöлi Голиаф нима морт. Сiйö вöлi ыджыд тушаа да зэв ён. Сы вылын вöлi кöрт кышöд*а, а киас ыджыд шы*б. Голиаф сералiс-лёкöдiс Израиль войтырöс. Сiйö шуис, мый израильсаяс пиысь кö кодкö вермас сiйöс, филистимсаяс лоасны налöн кесйöгъясöн. Но израильсаяс пиысь некод эз лысьт петны вермасьны Голиафкöд.
Давид кылiс, кыдзи Голиаф увтыртö израильсаясöс. Сэки шуис Саул öксылы: «Ме, тэнад кесъялысь, кута вермасьны тайö филистимсаыскöд». Но Саул öлöдiс Давидöс: «Тэ том на, а сiйö важысянь нин тышö ветлö». Но Давид эскöдiс Саулöс, мый ыжъяс видзигöн Енмыс отсавлiс сылы вермыны левъясöс да ошъясöс. Саул лэдзис Давидöс вермасьны Голиафкöд. Пасьтöдiс сiйöс кöрт кышöдö. Но Давидлы вöлi сьöкыд татшöм паськöмнас, сiйö эз вермы весиг вöрнысö. Сэки сiйö пöрччис кöрт кышöдсö, босьтiс ассьыс бедьсö, бöрйис шорысь вит шыльыд из да петiс Голиафлы паныд.
Голиаф, кор аддзис Давидöс, кутiс серавны: «Ме вылö беддьöн петiн? Ме öмöй пон?» Давид вочавидзис сылы: «Тэ петiн меным паныд шыпуртöн да зорйöн, а ме петi тэныд паныд Ставсöвермысь Господькöд. Сiйö Ен израильса тышкайöзлы, кодъясöс тэ увтыртан». Сэсся Давид перйис изсö да лыйис Голиафлы. Изйыс веськалiс веськыда плешкас, да сiйö дзик пыр грыпкысис-усис. Давид котöртiс Голиаф дiнö, босьтiс сылысь шыпуртсö да бытшкис сiйöс. Кор филистимсаяс аддзисны, мый налöн медся вына мортыс кулiс, уськöдчисны пышйыны. Тадзи израильсаяс шедöдiсны вермöм.
Öксыяслöн медводдза небöг 17:1-53
*а кöрт кышöд – броня
*б шы – копьё
160 
