Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ДАВИД ÖКСЫ
Саул йöз пöвстысь öти морт локтiс Давид дiнö да юöртiс, филистимсаяс пö виисны Саулöс да сылысь Ионафан писö. Тайö мортыс чайтiс, мый Давид кутас нимкодясьны, кор кылас Сауллöн кулöм йылысь. Но Давид весиг кыв эз шу Сауллöн лёк вöчöм йылысь. Мöдарö, сiйö шогысла сьылiс бöрдан сьыланкыв:
– Саул да Ионафан вöлiны мусаöсь öта-мöдныслы,
эз торйöдчывны весиг кулiганыс.
Найö вöлiны кутшъясысь тэрыбöсь,
левъясысь вынаöсь.
Израильлöн нывъяс, бöрдöй Саул вöсна,
сiйö пасьтöдiс тiянöс чим гöрд паськöмö,
мичмöдiс сiйöс зарни сунисöн-мольясöн.
Вынаяс усисны кось вылын!
Шогся тэ вöсна, Ионафан вокöй.
Тэ вöлiн меным вывтi дона.
Сэсся Енлöн тшöктöм серти Давид овмöдчис Хеврон карö. Регыд сэтчö локтiсны Иуда чужанвужйысь йöз да пуктiсны Давидöс асланыс öксыö. Сизим во да джын мысти Давид кутiс веськöдлыны став Израильöн. Ен збыльмöдiс Ассьыс кöсйысьöмсö, мый йылысь Сiйö висьтавлiс Самуил пророклы.
Öксыяслöн мöд небöг 1:1-2:11
166 
