Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ДАВИДЛÖН СЬЫЛАНКЫВЪЯС
Давид, кор вöлi ыж видзысьöн на, радейтiс ворсны арфаöнда сьывны ассьыс сьыланкывъяс. Öксыалiгас*а сiйö водзöлöсьöдалiс сьыланкывъяс, öд сiйö радейтiс Енмöс да кöсйис ош-кыны Сiйöс. Библияын гижöма Давидлысь уна сьыланкыв, кодъясшусьöны псаломъясöн. Йöзыс сьылiсны псаломъяс Енмöс ошкöммогысь.Давид бура тöдiс, кутшöма колö ыжъяслы бур видзысьыд, öд томдырйиыс сiйö ачыс видзлiс ыжъясöс. Öти псаломын Давид сьылöЕн йылысь тадзи:
– Господь – менö Видзысьыс,
менам ставыс лоö тырмана.
Сiйö шойччöдö менö веж видз вылын,
вайöдö менö лöнь ва дорö.
Сiйö ёнмöдö менсьым лолöс,
нуöдö менö веськыд туйöд Аслас нимыс понда.
Ме кö муна кулöмыслöн пемыд сёртасöд,
ог повзьы лёксьыс,
öд Тэ мекöд.
Тэнад веськöдлан да доръян беддьыд нуöдö менö.
Меным паныд мунысьяслöн син водзын
Тэ дасьтан меным пызан.
Тэ мавтан менсьым юрöс чöскыд дука выйöн,
тыртан менсьым дозйöс чукйöдзыс.
Тэнад буралöмыд да муслуныд мекöд
быд лун олöм помöдз,
и ме кута овны Господьлöн керкаын олöм чöж.
Псалом 22
*а öксыавны – царствовать
170 
