Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
НЕЕМАН БУРДÖ
Нееман локтiс Елисей керка дiнö да сувтiс öдзöс дорас. Петiс Елисейлöн кесйöгыс да висьталiс Нееманлы, мед сiйö мунас да сизимысь мыссяс Йöрдан юын, и мый сэки сылöн кучикыс выль мас да лоас сöстöм. Нееман скöрмис тайö кывъяссьыс да шуис: «Ме чайтi, пророк ачыс петас ме дiнö, кевмысяс Господьлы, аслас Енлы, пуктылас кисö висянiнö да бурдöдас менö. Дамаскын öмöй Авана да Фарфар юяс абу бурджыкöсь став израильса юяс дорысь? Ог öмöй сэнi ме вермы мыссьыны да сöстöммыны?» Тадзи скöралiгтырйи Нееман мунiс Елисей керка дорысь.
Нееманлöн кесйöгъяс матыстчисны сы дiнö да шуисны: «Ыджыдöй, пророк кö тшöктас вöчны мыйкö ыджыдджыктор, тэ öмöй он вöч? Öнi сiйö тшöктiс тэныд сöмын мыссьыны, медым тэ сöстöммин». Сэки Нееман мунiс Йöрдан ю дорö да пророклöн шуöм серти сизимысь дзумгысьлiс юас. Сылöн кучикыс дзик пыр сöстöммис да лоис кагалöн кодь.
Нееман бöр локтiс Елисей дiнö да шуис сылы: «Öнi ме тöда, мый эм сöмын öти Ен – Израильлöн Ен. Босьт месянь, аслад кесйöгсянь, тайö козинсö». Нееман мырдöн корис босьтны козинсö, но Елисей эз босьт. Торйöдчигас Нееман шуис Елисейлы, мый сiйö кутас вись вайны сöмын Израильлöн Енлы.
Тадзи ичöтик нывкалöн пророк йылысь юöртöм пыр Нееман тöдмалiс ловъя Енмöс.
Öксыяслöн нёльöд небöг 5:9-17
202 
