Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ИЗРАИЛЬ КЕЖÖ ЕНСЬЫС
Израиль войтыр кежис Енсьыс, кодi мездiс найöс фараон кипод улысь да петкöдiс Египет муысь. Найö юрбитiсны мöд енъяслы да олiсны мукöд войтырлöн оласног серти. Быд карын израильсаяс вöчалiсны висьваянiнъяс, сувтöдалiсны юрбитан изъяс да сюръяяс. Найö копрасисны идолъяслы, кöть Ен висьтавлiс налы: «Энö вöчöй тайöс». Тадзи найö скöрмöдiсны Енмöс.
Аслас пророкъяс пыр Ен öлöдлiс Израиль да Иуда войтырöс: «Бергöдчöй асланыд лёк туйясысь! Олöй Менам тшöктöмъяс серти да став Индöдыс серти, кодöс Ме сетi тiян батьяслы да висьтавлi тiянлы Меным кесъялысь пророкъяс пыр». Но найö эз кывзысьны, а мöдарö, чорзьöдiсны сьöлöмнысö батьясныс моз, кодъяс эз эскыны асланыс Господь Енлы. Найö öтдортчисны Сылöн тшöктöмъясысь да йитöдысь, кодöс Сiйö кöртавлiс налöн батьяскöд. Найö кутiсны копрасьны шогмытöм идолъяслы, и асьныс лоисны шогмытöмöсь. Найö олiсны орччöн олысь войтыр моз, кодъяс йылысь Ен висьтавлiс: «Энö олöй на моз». Ен пыдди найö вöчисны кык öшкöс да копрасисны налы, копрасисны тшöтш кодзувъяслы да юрбитiсны Вааллы. Ассьыныс ныв-пинысö нуöдлiсны би пыр, татшöм ногöн вайисны найöс вись пыдди идолъяслы. Найö кимöститчисны да тунасисны, вöчисны Енлöн син водзын быд шогмытöмсö. Тадзи скöрмöдiсны Сiйöс. Та вöсна Ен бергöдiс Ассьыс чужöмбансö Израиль войтырысь да вöтлiс найöс кöсйысьöм муысь. Иудалöн чужанкотыр кындзи сэнi некод эз коль.
Öксыяслöн нёльöд небöг 17:7-18
210 
