Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ЕЗЕКЕЙ ÖКСЫЛÖН КЕВМЫСЬÖМ
721 воын Ассирия босьтiс Войвыв му да нуöдiс Израиль войтырöс Ассирияö. Но ичöтик Иуда му Ен отсöгöн сулалiс нöшта на сё комын во.
Иудаын öксынас вöлi Езекей. Став öксы пиысь сiйö вöлi медбур, радейтiс Енмöс да ставсö вöчис Сылöн тшöктöмъяс серти. Езекей жуглiс идолъясöс да ышöдiс войтырсö лача кутны ловъя Ен вылö. Сiйö дугдiс кесъявны ассирияса öксылы.
Иуда му кындзи став матiгöгöр муыс вöлi ассирияса Сеннакирим öксы кипод улын. Сiйö унаысь повзьöдлiс Езекейöс, шулiс, Ен пö тшöктiс меным бырöдны Иуда мусö. Öтчыд Сеннакирим мöдöдiс Езекейлы гижöд. Гижöдас сiйö ёна омöльтiс Езекейöс да сералiс сылöн эскöм вылын, Енмыс пö оз отсав тiянлы, кыдзи мукöд войтырыслы эз отсавны налöн енъясыс.
Гижöдсö лыддьöм бöрын Езекей мунiс Енлöн крамö да кевмысис: «Господьöй, Израильлöн Ен! Тэ öти Ен. Тэ вöчин енэжсö да мусö. Тэ ыджыдалан став муыс вылын. Господьöй, бергöд Ассьыд пельтö миянлань да кыв миянöс! Восьт Ассьыд синтö, Господьöй, да видзöдлы! Тэ кылан Сеннакирим öксылысь кывъяссö, сiйö лёкöдö Тэнö, ловъя Енмöс. Господьöй, ассирияса öксыяс збыльысь бырöдiсны войтыръясöс да налысь муяссö, шыблалiсны налысь енъяссö биö. Но тайö эз вöвны збыль енъяс, а сöмын пуысь да изйысь вöчöмторъяс. Та вöсна и вермисны бырöдны найöс. Öнi, Господьöй, миян Енмöй, мезды миянöс Сеннакирим киысь, медым мувывса став войтырыс тöдмалас, мый Тэ, Господьöй, öти Ен».
Ен аддзис Езекей öксылысь эскöмсö да кылiс сылысь кевмысьöм сö. Войнас Енлöн андел бырöдiс ассирияса тышкайöзöс.
Öксыяслöн нёльöд небöг 18-19
216 
