Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ЕРЕМЕЙ ПРОРОК
Еремей пророк унаысь шыасьлiс аслас войтыр дiнö, медым найö бергöдчасны Енлань. Тофет да Ерусалим каръясын олысьясöс Еремей мыжалiс сыысь, мый найö юрбитiсны идолъяслы да вись вайисны налы. Тофет карын Еремей юöртiс, мый Ен сетас найöс паныд мунысьяслöн киö. Сэсся мунiс Ерусалимö, сувтiс крам йöрö да шуис: «Тадзи шуö Ставсöвермысь Господь, Израильлöн Ен: Ме мöдöда тайö кар вылас да мукöд Иуда каръяс вылö ыджыд шог. Ме öлöдлi нин тiянöс, но тi чорзьöдiнныд сьöлöмнытö да энö кывзöй Менсьым кывъясöс».
Паскор нима поп кылiс Еремейлысь кывъяссö да ёна скöрмис. Сiйö кучкис Еремейöс, сэсся пуксьöдiс сiйöс крам дзиръя дорö да топöдiс кокъяссö тшемилö*а костö. Мöд луннас сiйöс бöр лэдзис. Сэки Еремей юöртiс сылы, мый Вавилон босьтас Иуда мусö, а войтырсö нуöдасны Вавилонö да унаöс виасны. Сэсся Еремей шыасис Ен дiнö:
– Господьöй, Тэ эскöдiн менö, и ме сетчи Тэныд.
Тэ вермин менö, öд Тэ меысь вынаджык.
Лунысь-лун ме ола серамтуйын, быдöн лёкöдö менö.
Ме висьтавла сöмын лёк вöчöм да бырöдöм йылысь.
Господьлöн Кывйыс понда менö быд лун видöны да сералöны.
Ме шуи: «Вунöда Господьöс, ог кут висьтавны Сылöн нимсянь»,
но сэки Тэнад кывйыд кутiс ыпъявны менам сьöлöмын,
биыс йиджис весиг лыясöдз.
Ме зiли кутны сiйöс ас пытшкам, но эг вермы.
Еремейöс унаöн дзескöдiсны, но Енмыс пыр вынсьöдлiс сiйöс. Еремей шулiс:
– Мекöд Господь, Сiйö менам вына Дорйысьыс!
Дзескöдысьяс крукасясны да оз вермыны менö.
Налöн мывкыдтöм кöсйöмъясыс оз инны.
Ставсöвермысь Господьöй, Тэ тöдмалан веськыда олысьöс.
Тэ аддзан сылысь сьöлöмсö да тöдан мöвпъяссö.
Сьылöй Господьлы да ошкöй Сiйöс!
Господь мездö коньöрöс лёк вöчысьяслöн киысь.
Еремей 19-20
*а тшемилö – кандалы
220 
